15. காந்தாரி சபதம் - நாவலுக்கான விமர்சனங்கள்

[uma saranya]

 

[Yagnithaashankar]

#yagnithaareview

#yagnithaavideoediting

#காந்தாரி_சபதம்

பக்கா ஆன்டி ஹீரோ
அழுத்தமான கதைக்களம்
இந்த தலைப்புக்காக தான் கதையை படிக்க ஆரம்பித்தேன்... காந்தாரி சபதம் தலைப்புக்கு ஏற்ற கதையின் முடிவு

நவிலன் தியாகராயர்
திருமணம் மேடையில் வேறு ஒருவனின் மனைவியாக ஆக இருப்பவளை, தன் தந்திரத்தால் மணம் முடித்தது ஏனோ!!
விரும்பித் திருமணம் செய்தவன் அரக்கனாக மாறியது விதியின் செயல் என்றே சொல்ல வேண்டும்..
ஆதரவாக இருந்த ஒவ்வொரு உறவையும் இழந்ததன் விளைவு முரட்டுக் குணம் ( அரக்கத்தனம்)..
அவனின் உறவுகளை தக்க வைத்துக்கொள்ள அவன் காட்டும் பாசமே வினையாகி போனது சாபமோ ... இவன் அன்பு காட்டிய விதம் தவறு என்றாலும் அவனின் அன்பு உண்மையானது.......
இந்தக் கல்லையும் கரைத்த பெருமை அந்த சிறு மொட்டுக்கே சேரும்.... இவனின் பிளாஷ்பேக்கை இன்னும் விவரித்து இருக்கலாம்....
இவன் கதை இறுதியில் சிரிக்கும் சிரிப்பு அழகு ...

காந்தருவி (காந்தாரி)
பல கனவுகளுடன் மணமேடையி ஏறினாள் பெண்ணிவள் ஆனால் நடந்ததோ ... சிறுவயதிலிருந்து தன் கூட்டுக்குள் வாழ்ந்தவள், அம்மா, அப்பா, அண்ணன் இவர்களின் சந்தோஷத்திற்காக எதை பற்றியும் யோசிக்காமல் தன் வாழ்வை பணயம் வைத்ததன் விளைவு ...
தன் கணவனை புரிந்துகொள்ள முடியாமல் அல்லல் படும் நவிலனின் காந்துவின் நிலை
எல்லா பிரச்சினைக்கும் தீர்வாக முடிவெடுக்கும் சமயம், மீண்டும் இவளின் வாழ்வை புரட்டிப் போடுகிறது.. மீண்டும் நவிலனின் கைப்பொம்மையாக இருக்கிறாள் இந்த காந்தாரி...
இவளின் தாய்மையின் தவிப்பு ....
இவளிடம் இருக்கும் ரகசியங்கள் என்னவோ!!!!
இறுதியில் இவள் கூறிய வார்த்தை காலம் தான் அனைத்தையும் மாற்றும்....

சத்ருகன்
புயலென வருகிறான் ருகன் .. அழுத்தமான கதை களத்தில் இவனின் அதிரடியால், காதலால் புயல் என அனைவரின் மனதிலும் இடம் பிடிக்கிறான்.. இவனின் நட்பு பிரமிப்பே.. இவனின் காதல் கல்லுக்குள் ஈரம்.. நட்பையும் காதலையும் விட்டுக்கொடுக்காமல் இருந்தது அருமை.. கடைசியா ரொம்ப பயந்துட்டேன் அப்ப கூட உன் கெத்து கொஞ்சம் கூட குறையல செல்லம்

திவ்யபாரதி
இவள் பாரதி கண்ட புதுமைப்பெண்.... இவள் துணிச்சலையும், தைரியத்தையும் மெச்சிக் கொள்ளாமல் இருக்க முடியவில்லை அதைவிட இவள் தன்னவன் மேல் வைத்த காதலும் நம்பிக்கையும் வார்த்தைகளால் கூற இயலாது .... மணமேடையில் இவர்கள் பேசும் ஒவ்வொரு வார்த்தையும் நெகிழவைத்தது.... அரக்கனிடம் இருந்து காந்துவை காத்ததும் அழகு, அவள் அவனிடம் சேர்க்க நினைத்ததும் அழகு ...

காந்தாரியின் பெரிப்பா அண்ணா சிம்பிளி வேஸ்ட்

காந்தாரியின் திருதராஷ்டிரன் கண் இல்லாமல் தவறு புரிந்தார் என்றால்.. காந்தருவியின் நவிலன் தியாகராயர் கண் இருந்தும் தவறு புரிந்ததே காந்தாரி சபதம்... போட்டியில் வெற்றி பெற வாழ்த்துக்கள் எழுத்தாளரே

Post in thread 'காந்தாரி சபதம் - கதைத் திரி' https://pommutamilnovels.com/index.php?threads/காந்தாரி-சபதம்-கதைத்-திரி.933/post-22220

 

[Priyadharshinipalaniyandi]

#priyareviews

கதை எண் 15

காந்தாரி சபதம்

வாவ் ரைட்டர் யாரு யா ஒவ்வொரு நிமிடமும் சபாஷ் போட வைக்கும் எழுத்து நடை ஆழமான அழுத்தமான முதிர்ச்சியான எழுத்து

நிவிலன் ஒரு திருமணத்தில் தனக்கானவளை பார்த்து கட்டம் கட்டி தூக்கி விடுகிறான் அவளை கவர்ந்து செல்லும் காரணம் தான் என்ன? பழியா? வஞ்சமா? காதலா? வெறியா? அவன் மட்டுமே அறிந்தது

காந்தர்வி ரொம்ப பாவம் இவள் நன்றாக செல்லும் இவள் வாழ்க்கையில் ஒரே ஒரு சம்பவம் மொத்த வாழ்க்கையையும் திசை திருப்பி செல்ல அந்த புயலில் சிக்கி கொள்ளும் இவள் மீண்டு வருவாளா? அதற்கு வாய்ப்பு தான் இருக்குமா?

திவ்யபாரதி என்னை மிகவும் கவர்ந்தது இவள் தான் எல்லாம் இடங்களிலும் சரியாக நடந்து கொள்கிறாள். அவளுக்காக போராடுவதில் இருந்து தனக்கானவனை கண்டு அறிந்து அவனிடம் தேடும் பாதுகாப்பு அவன் மீது கொள்ளும் நம்பிக்கை வீட்டை எதிர்த்து நேர் வழியில் செல்வதில் இருந்து பாரதி கண்ட புதுமை பெண் தான் இவள்

சத்ருகன் வாவ் வாட் ஏ மேன் இவன் வரும் ஒவ்வொரு இடமும் வாவ் தான் சொல்ல தோணுச்சு இவனின் அதிரடி, கம்பிரம், ஆளுமை, அழகான காதல் அதற்கு உண்மையாக இருப்பது நட்பிற்கு கொடுக்கும் முக்கியத்துவம் எந்த இடத்திலும் யாரையும் விட்டு கொடுக்காமல் உண்மையாக இருப்பது அதுவும் கல்யாண சீன் செம யா ஸ்கோர் பண்ணிட்டான் இவனின் காதல் எனக்கு ரொம்ப பிடித்து இருந்தது மனதை கொள்ளை கொண்டு செல்கிறான்

குணவாளன் பெயரில் மட்டும் தான் இருக்கு மற்றபடி

கோதை கொஞ்சம் யோசித்து இருக்கலாம்

நவிலன் எனக்கு என்னவோ இவனை பிடிக்கவே இல்ல கடைசி வரை இவன் செய்ததுக்கு எல்லாம் விளக்கம் சொன்னாலும் என்னால ஏற்று கொள்ளவே முடியல அதுவும் இவன் செய்த ஒரு விஷயம் மன்னிக்கவே முடியல என்ன தான் நடந்து இருந்தாலும் இவன் செய்தது தவறு தான்

அருமையான கதை களம் எப்படி எல்லாம் கொண்டு போவீங்க என்று நிறைய எதிர் பார்ப்பை நொடிக்கு நொடி ஏற்படுத்தி கொண்டே இருந்தீங்க நிறைய காட்சிகள் மிகவும் அழுத்தம் வாய்ந்தவை அவன் செய்ததுக்கு எல்லாம் எப்படி ஜஸ்டிஸ் பண்ணுவீங்க என்று நினைத்தேன் சரியாக தான் சொல்லி இருக்கீங்க ஆனாலும் முடியல அதுவும் அந்த கடற்கரை காட்சி இருவருக்கும் ரொம்ப வலி ஏற்பட்டது அவர்களுக்கு மட்டும் அல்ல படித்த எனக்கும் தான் அதுவும் கடைசியில் வந்த சில விஷயம் முற்றிலும் எதிர்பாராதவை அதுவும் இப்படி ஒரு விஷயம் இப்படி ஒரு ஆளிடம் எதுவா இருந்தாலும் சொல்லிட்டு செய்ங்க டா முடியல

பிஞ்சு மனசு இப்படி எல்லாம் எழுதாதீங்க டா அதுல இருந்து வெளிய வரவே முடியல

ஆழமான அழுத்தமான எழுத்து நடையில் ஆன்டி ஹீரோ எதிர் பார்ப்பவர்கள் தாராளமாக படிக்கலாம் பைசா வசூல் ஸ்டோரி

போட்டியில் வெற்றி பெற வாழ்த்துக்கள்

லிங்க்

காந்தாரி சபதம் - கதைத் திரி

காந்தாரி சபதம் கதையின் அத்தியாயங்கள் இவ்விடம் பகிர்ந்துக் கொள்ளப்படும்

pommutamilnovels.com

 

[Ruby]

#காந்தாரி_சபதம்

காந்தர்வி - நவீன காந்தாரி துன்பத்தில் இருந்தும் மீட்கும் ரட்சகனாய் தெரிந்தவன் ராட்சசனாய் மாறும் போது பூவும் புயலாகும்...!! புயல் அவனை சேதப்படுத்துமா....?? இல்லை நீர் தெளித்த பால் போல அடங்குமா...???

நவிலன் பெண்கள் அடிமை அல்ல என்றில்லாது அது இயல்பு என்பது போன்ற சூழலில் வளரும், வளர்க்கப்படும் ஆண்களின் பிரதிபலிப்பு... தாயின் செயலால் கூடவே சேரும் முரட்டுத்தனம் அவளை ரொம்பவே படுத்தி எடுக்கிறான் தவறு என்ன என்றே தெரியாது இருப்பவன் தவறை உணர்வானா....? உணர்த்துவாளா....?? அவன் தாயின் செயல் என்ன எல்லாம் கதையில்....

காந்தர்வி - நவிலனுக்கு மட்டும் காந்தாரி.... இந்த பெயர் காரணம் எதிர்பார்க்கல

பச்சை களிமண்ணாக கையில் கிடைத்தவளை உண்மைகளை சொல்லி, அவன் நிலை புரிய வைத்து இருந்தான் என்றால் அவன் மீது கொண்ட நேசத்துக்கு அவனுக்கு ஈஸியாக வசப்பட்டு வசந்தமாகி இருக்கும் வாழ்வு

மொத்தமா எல்லாத்தையும் அவனின் செயலால், நியாயத்தால் ஊத்தி மூடிட்டான்

பாசமாய் வளர்க்கப்பட்ட பெண், தாங்கவியலா துன்பங்களை சரிபாதியிடம் அனுபவிக்க, தாங்க வேண்டிய தாய் வீடோ வேறு முகம் காட்டுவதன் பின்னணியும் எதிர்ப்பார்க்கல

பாவம் காந்து எதிலுமே அவளுக்கு ஒரு நிம்மதி இல்ல... அவனின் பிடிவாதத்தையே உடைக்க வைக்கும் கண்ணீர் அப்போ தான் அவன் தீவிரம் புரிஞ்சுது...

குழந்தையை தேடும் போது

அவன் உணரும் இடங்கள் வலித்து தான் வாழ வழி கிடைக்கும் என்றால் வலிக்கட்டும்

குணவாளன் பெயரில் மட்டும் தான் குணம் இருக்கு... மனுஷனா யா நீர்

கோதை ஆயிரம் காரணம் சொன்னாலும் இவர் செய்தது தப்பு... சரவணனுக்கு இவர் செய்ததும் துரோகம் தான்... அவனுக்கு செய்ததும் துரோகம் தான்... ஏன்னா தப்பு இவர்கிட்ட இருந்து தான் ஆரம்பம்

நவநீதன் கொஞ்சமாவது பேசணும்... அண்ணன் சொல்லுறது எல்லாம் கேட்கணும் என்று அவசியம் இல்ல...

சத்ருகன் இவன் மீதான நட்பு எனக்கு பிடிச்சது ருகனும் நட்பிற்கு கொடுக்கும் அன்பில் அக்கறையில் உயர்ந்து தான் இருக்கான்... இவனின் காதலும் நட்பை போல அழகு... அவளுக்காக வர நினைக்கும் அவன் காதல்

திவ்யா பாரதி புதுமை பெண் தான்... தந்தையே எதிர்த்து நிற்கும் போதும், தங்கைக்காக செய்ய நினைக்கும் ஒவ்வொன்றும், காதலும், கடைசியில் அவளின் இளக்கமும் nice

அகர்னன் அண்ட் அபூ எதிர்பார்க்கல அவங்களோட மாற்றம் என்னவோ மாதிரி இருந்தது....

நவி அப்பா என்ன சொல்ல தெரியலை... ஆனால் பிடிக்கவே இல்லனு சொல்ல முடியாது...

கலா இவங்க மாதிரி தான் நிறைய பேர்... பேச வார்த்தை இருந்தும், வாய் இருந்தும் முடியாது பாவம்...

பார்வதி & ஃபேமிலி பிடிச்ச characters

யாரோ ஒருவரின் செயல் சம்பந்தம் இல்லாத ஒருத்தரை எந்த அளவு பாதிக்குது அதன் பின்னும் தொடரும் வேதனைகள் எல்லாம் காந்து மூலம் ...

வெற்றி பெற வாழ்த்துகள் ரைட்டர்

 

[Gowri]

#கௌரிவிமர்சனம்

#videoediting

#காந்தாரிசபதம்

இதுவும் ஆன்டி ஹீரோ கதை தான்,ஆன பக்கா ஆன்டி ஹீரோ

காந்தர்வி - இந்த பேரு ரொம்ப நல்ல இருக்கு

ரொம்ப மென்மையான குணம் கொண்ட பெண்

மண மேடை வரை வந்த கல்யாணம் நின்னு போக, அங்க ஆரமிக்குது அவள் சோதனை காலம்

இதை தொடர்ந்து ஊர் தப்பா பேச, மறுபடியும் அவசர கல்யாணம்….

அதுவும் வில்லத்தனம் மொத்தமா குத்தகைக்கு எடுத்த நவிலன் கூட……

முன்னாடி கல்யாணம் நின்னது கூட தலைவர் கைய்கரியம் தான்

கல்யாணத்துக்கு முன்னாடியே அவன் பண்றது எல்லாம் பதரா வைக்குது

கல்யாணத்துக்கு அப்பறம்

காந்து ரொம்ப பாவம், கணவன் தான் அப்படினா அவள் குடும்பம்

கடைசி வரை போராட்டம் தான் அவளுக்கு

அதுவும் குட்டியா இருப்பா, நிறையா முடி இருக்கும்னு தேடும் போது…..

அவளுக்கு நீங்க நியாயம் செய்யவே இல்ல ஜீ

நவிலன் - எல்லா ஆன்டி ஹீரோ போலவும் ஒரு ஃபிளாஷ் பேக் இருக்கு இவன் ஏன் இப்படி செய்யரான் அப்படிக்கரதுக்கு

பாவம் தான் இவன் கடந்த காலம் எல்லாம், ஆன அதுக்குனு மனைவியா இருந்தா கூட அவளை என்ன எல்லாம் செய்து வெச்சி இருக்கான் பக்கி பய

என்ன காரணங்கள் சொன்னாலும் காந்து விசயத்தில் இவன் நடந்துகிட்டது

சரவண தியாகராஜன் - நவி அப்பா, இவர் கொஞ்சம் அவனை பார்த்து வளர்த்து இருக்கலாம், இவர் மனைவி பண்ணினா அதே தப்பை தான் இவரும் பண்ணி இருக்கார்

குணவாளன் - பேருல மட்டும் தான் குணம் இருக்கு, மத்த படி நோ கமென்ட்ஸ்

காந்து அப்பா - இவர் அதுக்கும் மேல, ஒன்னும் சொல்றதுக்கு இல்ல…..அண்ணன் பேச்சை கேட்கலாம் அதுக்குனு

ருகன் - இப்படி ஒரே கேட்ட பயபுள்ளைகளுக்கு நடுவில் நல்லவனா இருக்கான்

உயிர் நண்பன் கெட்டவனா இருந்தாலும் அவனை மனைவி கிட்ட கூட விட்டு கொடுக்கல

அதே போல மனைவியையும்

நல்ல நண்பன், ரொம்ப நல்ல காதலன் & ரொம்ப ரொம்ப ரொம்ப நல்ல கணவன்

திவி - சுயமா யோசிச்சி பேசற பொண்ணு அந்த குடும்பத்திலே, கோவபடற இடத்தில் கோபப்பட்டு, பேச வேண்டிய இடத்தில் பேசி எல்லாமே சூப்பர்

ருகன் மேல இருக்கும் காதல் ரொம்ப கியூட்

அகர்ணன் & அபூ

கோதை - நல்ல மனைவியாகவும் இல்ல அது கூட ஓகேனு விட்டரலாம் ஆன அம்மாவாவும் இல்ல…….

காந்துக்கு இன்னும் நியாயம் செய்து இருக்கலாம்னு தோணுச்சு

அவனை விட்டு பிரிந்து வந்தும் அவள் கண்டது எல்லாம் துரோகம் தான் அதனால எவளோ வலிகள் அவளுக்கு

ரொம்ப நல்ல அம்மாவா இருக்கற காந்துக்கு இவளோ சோகம் வாழ்க்கையில் , இவளுக்கும் தான் அவள் கனவுகள் எல்லாம் கலைந்து போச்சி கல்யாணத்துக்கு அப்பறம் இவ என்ன கோதை மாதிரியா நடந்துகிட்ட இல்ல தானே……

இந்த கதையில் தப்பே செய்யாமல் தண்டனை மட்டுமே வாழ்க்கையா அமைந்தது காந்துக்கு மட்டும் தான்

போட்டியில் வெற்றி பெற வாழ்த்துக்கள் ரைட்டர் ஜீ