15. காந்தாரி சபதம் - நாவலுக்கான விமர்சனங்கள்

[pommu]

காந்தாரி சபதம் - நாவலுக்கான விமர்சனங்கள்

 

[Naga Novels]

காந்தாரி சபதம், மிக ,மிக அருமையான கதை , வாழ்த்துக்கள்

 

[Shayini Hamsha]

#பொம்முநாவல்ஸ்குறுநாவல்போட்டி

#T22விதையில்இருந்துவிருட்சம்வரை

#காந்தாரிசபதம் #antihero_story

#கதைஇல15

#ஷாயினிகதைவிமர்சனம் 14

இன்றைய சமூகத்தில் இருக்கும் பல
பெண்களின் பிரதிபலிப்பாக, நமது மனக் கண்முன்னே காட்சிபடுத்தபடும் பெண்ணவள் தான் இக் கதை நாயகி #காந்தர்வி அந்த ஒருவனுக்கு மட்டும் #காந்தாரி . அந்த ஒருவனே கதையில் எதிர்மறை நாயகனான விளங்கும் #நவிலன் தியாகராயன்..

எதிர்மறை நாயகனான நவிலனை
மையப்படுத்திய கதையாக இந்த கதையை #antihero_story என்று நாம் சொல்லிக் கொண்டாலும் கூட இது முற்றிலும் காந்தர்வ இலக்கணமாய் மென்மை , அழகின் அடையாளமாய் இருக்கும் பெண்ணவள் , அவளின் சபதத்திற்கு காரணம் எது? எதனால்? யார் மீது? என்பவற்றை தெளிவாக, அருமையான வாசகர்களை கவரும் எழுத்து நடையில் நடையில் , மிகவும் அழுத்தமானதும் சில இடங்களில் மென்மையானதுமாக உயிரோட்ட கதை களம் விருட்சம் காந்தாரி கை வவண்ணத்தில் இக் #காந்தாரிசபதம் அருமையாக படைக்கபட்டுள்ளது .

முதலில், போட்டிக் கதையில் எந்தவித தயக்கமில்லாது இவ்வாறான கதைக் களத்தில் கதையில் எந்தவிதமான தொய்வுமின்றி எழுதி வெற்றிகரமாக
நிறைவு செய்ததற்கு பாராட்டுக்கள்.

இனி காந்தாரியின் சபதம் கதையை பற்றி,

பூவிலும் மென்மையான பெண்ணான
#காந்தாரி தனது திருமண வாழ்க்கை பற்றிய கனவுகளுடன், ஆபூர்வனுடன்
திருமணத்தில் இணைய காத்திருக்க,

மணமகனோ, தாலி கட்டும் நேரத்தில்
மூர்ச்சையற்று விழ, அதை காரணம்
காட்டி அபலை பெண்ணவளுக்கு
ராசி கெட்டவள், அதிஷ்டம் இல்லாத
பேதை , கொலைகாரி என்ற இலவச
பட்டங்கள் காரணமின்றி சுமக்கப்பட,

தன்னை சுற்றி நடக்கும் சதி வேலை,
குடும்பத்தினரின் வசவுகளுக்கு துளி
காரணமும் தெரியாது தவிப்பவள், தன்னை மீட்டெடுக்க வந்த ரட்சிப்பான் ஆபாந்தவனாக #நவிலனை எண்ணி
பெற்றோர் விருப்பத்துடன் திருமண
பந்தத்தில் இணைகிறாள். முன்னைய
நாள்வரை உலகில் தான் ஒருத்திக்கு
அதிஷ்டமான வாழ்க்கை அருமையில் அருமையான குடும்பம் என்ற பூரிப்பு கலந்த இறுமாப்பில் சுற்றி வந்த இவ் அபலை பெண்ணவள், கண்கண்ட கணவன் என்று என்னுபவன் மற்றும் சுற்றியுள்ளோர் சுயரூபம் தெரியும்
போது பெண்ணவள் நிலை?

அக் குடும்பத்தில், கார்தர்வி அன்பின் இலக்கணமாய் தப்பி பிறந்த ஒருத்தி இவளின் சகோதரி #திவ்யபாரதி
மட்டுமே! அவளும் இல்லையெனில்
பெண்ணவளின் கதி!

நட்புக்கு இலக்கணமாய் #சத்ருகன்
இக் கதையில் என்னை மிகவும் தன்
குணத்தில் இரண்டென கட்டிப்போட்ட கதாபாத்திரம்.!

வெளிவேஷத்தில் ஆபத்தனவனாக
சொல்லப்படும் இவனின் உள்ளமோ
விலை மதிப்பற்றது!

வெளி உலகில் இவர்கள் தான் நல்ல
பண்பானவர்கள் என்று எண்ணும்
அளவிற்கு இருப்பவர்கள் #ஆபூர்வன்
#அகர்ணன் #குணவாளன் ஆனால்
இவர்களை பற்றிய நிஜமோ?

வினை விதைத்தவன் வினை அறுக்க
வேண்டும் என்பது எத்தனை காலம்
சென்றாலும் நடக்கும் என்பது உறுதி! நாம் செய்யும் வினைகள் எல்லாம்
நன்மையாகவோ! , தீமையாகவோ !
இறுதியில் எம்மையே சேரும் என்ற
உண்மையை இக் கதை தெளிவாக
சுட்டிக் காட்டிவிட்டது!.

ஒரு கதை வாசகர்களை கட்டிப்போட
காதல் ரொமான்ஸ் காட்சிகள் எதுவும்
தேவையில்லை! நம்மை சுற்றி கதை
களமே போதும் என்றதை இக்கதை மூலம் நிரூபித்த #விருட்சம்காந்திரி கதையாசியர்க்கு மனம் நிறைந்த நிறைந்த பாராட்டுக்கள்..

T22 குறுநாவல் போட்டி கதைகளில், என்னை தனிப்பட்ட ரீதியில் கவர்ந்த கதை! இன்னும் கதை பற்றி சொல்லி சுவாரஸ்யம் கெட்டு விட கூடாது என்ற பயத்தில்வாசகர்களுக்கு சிறந்த கதை சேர வேண்டும் என்ற அவாவில்
இதோ! #காந்தாரிசபதம் கதை திரி

காந்தாரி சபதம் - கதைத் திரி

காந்தாரி சபதம் கதையின் அத்தியாயங்கள் இவ்விடம் பகிர்ந்துக் கொள்ளப்படும்

www.pommutamilnovels.com

கதை பற்றிய கருத்துக்கள் பகிர

காந்தாரி சபதம் - கருத்து திரி

Very nice story. Sad for both of them. Ending is very good. Thank u so much

www.pommutamilnovels.com

 

[BawaniBala]

வணக்கம் சகோதரிகளே ..

#பவாவிமர்சனம்

#காந்தாரிசபதம்

#விருட்சம்15

மனதால் காதல் கொண்டு வல்லின செய்கை உடலால்
மணம் புரிந்த நிலையில்..
காதலை தக்க வைக்க இதுவும் சதியோ இல்லை விதியோ..

சிறுவயது பாசம் பசுமரத்தாணி வகையில்
காதலாய் உருகொண்டு காய்ந்திட
வடு களையுமா.. நிலைமாறுமா இங்கே..

காந்தாரி சபதம் கண் திறந்த சாபமோ இல்லை
கண்கட்டு வித்தையோ..

நவிலன் தியாகராயர்: அருமையான பெயர். ஆனாலும் அந்த அருமை பெயரில் காணோம் .
வேறோருவன் மனைவியாக போகிறவளை சிலபல சதிசெய்து மணந்து இவள் என்னவள் எனும் போது இவனின் இறுமாப்பு அசத்தல் உச்சமே,❤❤

மனைவியானவளிடம் இவன் காட்டும் உரிமைபாசம் அத்துமீறல்.
அந்த அத்து மீறலே இவன் வாழ்வில் வினையாகி போக அந்தோ பரிதாபம் இவன் பால் எனக்கு.

திடீர் திடீர் என இவன் மாறும் செயல்களால் குழம்பி போவது நாமாகினும். இவனின் சுயம் கண்ட பின்னே ஏனோ வலி எனக்கு இவனிடம் .நல்லவன் மாறிட பாசமே வேஷமாக களைத்த சாபமோ என நினைக்கத் தோன்றியது .

இவனின் சிறுவயது நிலையின் போது கண்ணீரே எனக்கு .

காந்தருவி: சிறுபெண் அமைதி அழகு என மணமாலை சூடி மணவரை வர. ராசி இல்லாதவள் என முத்திரையோடு. மீண்டும் ஒரு மலர்மாலை இவளின் கழுத்தில். அது சுருக்கா..!?? சுகமா..!!? என
இவளின் வாழ்வை கேள்வி குறியோடு நிதர்சனப்படுத்துவது வலியே.

கண்ணை கட்டி கணவனோடு வாழ்ந்த காந்தாரி பெண்ணுக்கும் இவளுக்கும் சிறு ஒற்றுமை. அங்கே காதலால் கண்ணை கட்டினாள் .இங்கே கண் இருந்தும் பயாமே மட்டுமே நிலையாக இருக்கிறது .

தன் கணவனை புரிந்து கொள்ள முடியாது தவிக்கும் போது வலியே. ஆயினும் இதான் வாழ்க்கை என மருகி வெளியேறிய போது இவளின் வாழ்வையே புரட்டி போட்ட பல பரிதாப நிலைகள் ஹப்பா..
இந்த சிறுபெண்ணுக்குள் இவ்வளவு போராட்டமா என வியக்கத்தோன்றியது.

காதலிருந்தும் மாயநிலை தொடரும் பாவமான தம்பதிகள் இவர்களே.

சத்ருகன்: நட்பு நிலைகளின் கர்ணன் . காதலுக்கு நம்பிக்கை நாணயன் .நேர்மையின் உச்சம் இவனே.இவனின் செயல்களில் பெருமிதம் கொண்டேன்.

திவ்யபாரதி : பாரதி யே தான் புரட்சி பெண் .துணிச்சலின் மறுவுருவம். அதே மாதிரி மணவாழ்விலும் புரட்சி பண்ணியது அசத்தலே.

குணவாளன்: முதலில் பிடித்தாளும். என்ன மனிதர் இவர் என கோபமே வந்தது. இவரை புரிந்து வைத்த ஒரே உயிர் திவி மட்டுமே.

அகர்ணன் மற்றும் அபூர்வன் ஏதோ நினைக்க ஏதோ நிலைத்த நிலை.

ஆசிரிய தோழியே. ஒரு மாறுபட்ட கதையை தந்ததிற்கு சபாஷ்.

நெஞ்சை தொட்ட பல நிகழ்வுகள் வலியாகவும், காதலாகவும், உணர்வு சூழ் நிலையாகவும் இருந்தது.

ருகன் திவி திருமண மேடையில் பேசும் நிகழ்வுகள் மனதை தொட்டு சென்றது. அதே போல் நவியின் சிறுபாராய நிகழ்வுகள் எல்லாம் வலிநிறைந்த செயலே.❤

பிறக்கும் பிள்ளைகள் யாரும் தீயவர்களே அல்ல. அதை வளர்க்கும் நம்மிடமும், நமை சூழ்ந்த சுற்றாடலில் தான் உண்டு என்பதை அழகாக நாயகனின் பாத்திரத்தில் புகுத்தி சென்றது அருமைமா.

ஒரு வசனம் மனதை தொட்டு சென்றது என்றால் மிகையில்லை
"எனக்கு ஏன் குடும்பம் இல்லை இருந்திருந்தால் அரவனைக்க கற்றிருப்பேனோ, ; என்பதும் , காந்துவிடம் நவி மனதோடு பேசும் காட்சிகளும் மனதை அள்ளி சென்றதுமா.

கண்டதும் காதல் இல்லை நம்பிக்கை ஒன்றிலே காதல் என்பதை அங்கேயும், மனதோட பதிந்த காதலும் அதை காட்டத்தெரியாது அதிரடியிலும் சதியிலேயும் காதலை இருவேறு நிலையில் காட்டியிருப்பது பாராட்டக் கூடியது அருமை.

காந்தாரி கண்கட்டி வாழ்ந்தால் அது காதல் கொண்டு. இவளோ தன் ராசியில்லா நிலையை போக்கிவன் என்பதாலோ தன் கண்ணிருந்தும் உறவுகளை அவனுக்காக தூரமாக்கி வாழ்ந்தாள் என்பதே சிறப்பு நிலை.

காந்தாரி சபதம் என்பது கதைக்கு பொருத்தம் .அன்றும் பிள்ளைகளுக்காக போர். இன்றும் பிள்ளைக்காக சபதம்.

காந்தாரி சபதம் அன்று திருதராஷ்டினனின் கையில் சதிவலையில்
பல சதிகளை புரிந்தது என்றால்.இந்த காந்தாரியின் நவியின் கையில் பல சதிகளை கொண்டு சிதைத்தது என்றே கூறலாம்.

அன்றும் அண்ணன் சகுனியாக காந்தாரிக்கு இன்றும் அண்ணன் சகுனியா இங்கே மாறியது சூதே.

வாழ்த்துக்கள் மா.

போட்டியில் வெற்றி பெறவும் வாழ்த்துக்கள் மா.

 

[uma saranya]

#Uma_View

#T22பொம்முநாவல்ஸ்குறுநாவல்
போட்டி

#விதையில்இருந்துவிருட்சம்வரை

காந்தாரி சபதம்

ஆன்டி ஹீரோ கதை

முதலில் இதை சொல்லணும் கதை பேரு சூப்பரா செலக்ட் பண்ணி இருக்கீங்க ரொம்ப பவர் ஃபுல் நேம் .

அடுத்து கதையா நகர்த்தி கொண்டு போற கதாபாத்திரம் எல்லாம் அருமையா வடிவமைத்து இருந்தீங்க.

காந்தாரி

நடுத்தர குடும்பத்தை சேர்ந்த பெண்ணவள். மலரினும் மெல்லிய மனம் கொண்டவள். இவளுக்கு தான் எத்தனை எத்தனை துன்பங்கள் .

கல்யாண கனவுகள் கானல் நீராக மாறும் போதும் சரி.

ராசி கெட்டவள், அதிர்ஷ்டம் இல்லாதவள் என ஊரார் தூற்றும் போதும் சரி.

தன்னால் தான் அனைத்து பிரச்சனையும் தன்னை சார்ந்த அனைவரும் தன்னால் தான் துன்பம் நேருகிறது என கலங்கி தவிக்கும் போதும் சரி.

குடும்ப நிம்மதிகாகவும் எதிர்பார்ப்பு தாங்க தந்தை முகத்துகாகவும் மறுபடியும் கல்யாணத்துக்கு சம்மதம் சொல்லும் போது சரி.

உறவினர்கள் மகிழ்ச்சிய மனதில் நிறுத்தி மண மேடையில் தன் மன கலக்கத்தை விரட்டும் போதும் சரி

இப்படி காந்தாரி உடைய நிலைமைய படிக்கும் போது ஒரு பொண்ணா ரொம்பவே பாவமா இருந்துச்சு.

அதே சமயம் எதார்த்தமான பொண்ணா கண்ணுக்கு தெரிஞ்சா.

அதுக்கு பிறகாவது இவளுக்கு நிம்மதி கிட்டியதா இல்லை இது வரைக்கும் நீ
அனுபவித்தது எல்லாம் ஒன்றுமே இல்லைங்கிற மாதிரி

அந்த இருபத்தியோரு வயசு இளம்மொட்டு முட்கள் நிரம்பிய அவளவனின் கைகளாலேயே வதைபடுவது எல்லாம் ரொம்பவே கொடுமையான விஷயம்.

ஒவ்வரு முறையும் இந்த மெல்லியவள்
அந்த அரக்கனின் கரங்களில் கசங்கும் காட்சிகள் எல்லாம் ரொம்பவே அழுத்தமா கணமா இருந்தது .

கடும் பாலைவனத்தின் நடுவே தண்ணீர்க்கு தவிப்பவனின் கைகளில் கிடைக்கும் நீரை போல தான் இக் கதையில் சத்ருகன் வருகையும்.

காந்தாரியின் நிலை கண்டு கலங்கும் வேளையில், நவிலனின் செயல் கண்டு கொதிக்கும் நேரத்தில் நம் இதழ் ஓரம் புன்னகையில் வளைய காரணமாய் இருப்பவன் இந்த ருகன்.

இவளவனின் ரௌடி சாராய் இவன்

இவனவளின் ராணி மங்கமாவாய் இவள்

சத்ருகன் திவ்யபாரதி இவங்க காதலை பற்றி என்ன சொல்ல அழகை பார்த்து இன கவர்ச்சியில் வந்ததது அல்ல இவர்கள் காதல். இது பக்குவப்பட்ட காதல்.

இரு மனங்கள் இணையும் திருமண வாழ்வு கடைசி நொடி வரை உயிர்ப்புடன் இருக்க நேசம் மட்டும் அல்ல நம்பிக்கையும் அவசியம் தான்.

அந்த நம்பிக்கையை அவளவனின் மேல் மிச்ச மீதி இல்லாமல் முழுவதுமாக வைத்தவள் தான் இந்த திவி.

தன்னவள் தன் மேல் வைத்த நம்பிக்கையில் மொத்தமாக தொலைந்து விழியோரம் ஒரு துளி கண்ணீர் உதிர்த்தவன் தான் இந்த ருகன் .

திவ்ய பாரதி கிட்ட ரொம்ப பிடிச்ச விசயம் இவள் தன் தங்கைகாக ஆரம்பத்தில் இருந்து இறுதி வரை போராடினாள். தனக்கு என்ன இன்னல்கள் வந்த போதும் அதை மாற்றி கொள்ளவும் இல்லை குறைத்து கொள்ளவும் இல்லை.

நவிலன்

காந்தாரி - நவிலன் திருமணத்துக்கு முன்பு காந்தாரி மீதான நவிலன் ஈர்ப்பை பார்க்கும் போது இவன் சரி இல்லை ரொம்ப பயங்கரமானவன் என்ற உணர்வை குடுதீங்க. அது சரி தான் என்பது போல தான் அடுத்த அடுத்த அவன் நடவடிக்கை இருந்தது

எனக்கு ஒண்ணே ஒண்ணு தான் இந்த கதைல வேற மாதிரி கொண்டு போய் இருக்கலாம் தோணுச்சு.

அது நவிலன் கடந்த காலம்.

பெற்றோர்கள் அரவணைப்பு இல்லாமல் வளர்வது.
ஆணாதிக்க சூழலில் இருப்பது.
கடைசியாக தனக்கு அன்பு காட்டிய உறவை குடும்பத்தை இழப்பது.

இது தான் நவிலன் அரக்க குணதுக்கு காரணம். எல்லாம் சரியான காரணங்கள் தான் ஏற்று கொள்ள வேண்டிய விசயம் தான். ஆனால் அதில் ஒரு அழுத்தம் இல்லை காட்சி அமைப்பில் அந்த கணம் இல்லை.

சிறு வயசு நவிலனின் மன நிலை இன்னும் கொஞ்சம் தெளிவா அழுத்தமா பதிவு பண்ணி இருக்கலாம்.

கதை முழுக்க இவனின் குணத்தால் காந்தாரி பாத்திக்க பட்டு இருக்கா. அதுகான பின்னணியை இன்னும் கொஞ்சம் வலுவா சொல்லி இருக்கலாம்.

இதை ஏன் இவ்ளோ சொல்கிறேன் என்றால் கதை A to Z மொத்தமாவே பிடிச்சு இருக்கு கதையின் மற்ற பகுதிகளை ஒப்பிட்டு பார்க்கும் போது இது சாதாரணமா சொல்லிய ஃபீல்.

அது மட்டுமில்லாமல்

தன் நெஞ்சோடு தஞ்சமானவளின் தவிப்பை போக்க வழி அறியாது
' எனக்கு ஏன் குடும்பம் இல்லை இருந்திருந்தால் அரவணைக்க கற்றிருப்பேனோ என்ற அவன் கலக்கம்
எனக்கு ரொம்பவே பிடிச்சா வரிகள் ரசிச்ச வரிகளும் கூட

அவ குட்டியா இருப்பா அடர்த்தியா முடி இருக்கும். என் குழந்தைய யாராவது பார்த்தீங்களா என்ற அந்த தாயின் துடிப்பு

அதே போல

நோய்வாய்பட்ட கணவனை கூடையில் சுமந்து சென்றவள் அக்கால நளாயினி என்றால் தன்னவன் தனக்கு தந்த ரணங்களையும், காயங்களையும், வலிகளையும் தன் உடம்பிலும் மனதிலும் சுமந்த காந்தாரி இக்கால நளாயினியே.

தன் கணவன் காணாத உலகை தான் மட்டும் காண்பதா. என்னவனுக்கு இல்லாத பார்வை தனக்கு மட்டுமா என்று அதை துறந்து தன்னவன் உடனான உலகுக்குள் அடி எடுத்து வைத்தவள் அக்கால காந்தாரி என்றால்.
மனதில் ஆயிரம் கவலை, பயம், குழப்பம், இருந்தும் உறவினர் நலனுக்காக அவர்களே துறந்து தனக்கு வந்த அவ சொல்லை நீக்கியவன் என்ற ஒன்றில் மணம் கனிந்து அவளவனின் கரம் பற்றியவள் நவீன கந்தாரியே.

என்ன தான் தன் கணவன் தனக்கு துரோகம் இழைத்திருந்தாகும் கையில் சிலம்பு ஏந்தி கண்ணில் கனல் ஏந்தி அவன் சாவுக்கு நீதி கேட்டு மதுரையை எரித்தவள் அக்கால கண்ணகி என்றால்

தன்னவன் தனக்கு தந்த எல்லையில்லா வலிகள் , ரணங்கள் இழைத்த கொடுமைகள் எல்லாவற்றையும் தான் பெற்ற இரு முத்துக்களின் மகிழ்ச்சிகாக எரித்து தன்னவன் உடனான வாழ்கையோடு தன் வாழ்வை இனைத்த
காந்தாரி ஒரு நவீன கண்ணகியே

ஆக மொத்தத்தில் காந்தாரி சபதம் என்றால் மனதுக்கு வருவது

காந்தாரியின் கண்ணீரும், காயங்களும்
ருகனின் காதலும் தான்.

இக்கதைக்கு உயிர் குடுத்தவை

அவற்றை அவ்ளோ அழகா செதுக்கி இருக்கீங்க.

போட்டியில் வெற்றி பெற் வாழ்த்துகள் காந்து பாப்பா