என்னுள் நீ- கதை திரி

[pommu]

என்னுள் நீ- கதை திரி

 

[T23]

என்னுள் நீ - episode 1

சென்னையின் மிகப் பிரபல இடமான வடபழனியில் அமைந்து இருக்கும் MN அப்பார்டுமெண்டின் 25 வது மாடியில் அமைந்து இருக்கும் ஒர் ஆடம்பரமான வீடு. இதை வீடு என்று சொல்வதை விட ஒரு குட்டி மாளிகை என்று சொல்லலாம். உலகின் தலை சிறந்த ஆர்க்கிடெக் கொண்டு ஒரு தளம் முழுவதும் ஆக்கிரமிப்பு செய்து அழகாக கட்டப்பட்டிருக்கும் இந்த வீட்டில் இருந்து நான்கு திசைகளிலும் சென்னையை ரசிக்க கண்கள் இரண்டு போதாது. பால்கனியில் நின்று பார்த்தால் அம்மாவாசை இரவின் இருளில் தெரியும் சென்னை அழகானது என்றால் அந்த பால்கனியில் இருந்து உள்வரும் பெளர்ணமி இரவில் நிலவின் வெளிச்சத்தில் தெரியும் இந்த வீடு மிகவும் ரம்மியமானது. இங்கிருக்கும் சிற்பங்கள் பல அந்த நிலவின் ஒளியில் உயிர் பெறும் திறன் கொண்டு அமைக்கப்பட்டு இருப்பது மிகச் சிறப்பு.உலகின் தலை சிறந்த இண்டிரியர் டிசைனர் டிசைன் செய்த இத்தாலியின் மார்பிள்ஸ் கொண்டு உருவான தரை தளம் முதல் சில கோடிகளை கொட்டி செய்த கிட்சன் , பெட்ரூம், பார்,ஜீம், தியேட்டர் என பல வசதிகளையும் பல கோடிகளை கொண்டு ஏலம் எடுக்கப்பட்ட அரிய மற்றும் கலைநயமிக்க சிற்பங்களைக் உள்ளடக்கி புதுமையும் பழைமையும் கலந்து உருவாக்கப்பட்டது. இதை எல்லாம் பார்க்கும் போது இந்த கற்பனைக்கு சொந்தகாரனை ஒரு
கலாரசிகன் என்று சொல்லத் தோன்றும் அவன் ருத்ரன் (துன்பத்தை நீக்குபவன்) பெயற்கேற்றார் போல் வாழ்பவன் மிகவும் சுயமரியாதைகாரன், 28 வயதில் ஆறடிக்கும் மேல் மாநிறத்தில் இருக்கும் ஆண்மகன், உதவி என்று வரும் போது மற்றவர்களுக்காக எதையும் செய்பவன் இதனால் இவனை நேசிப்பவர்கள் அதிகம் அனைத்து பண்புகளிலும், குணங்களிலும், திறமைகளிலும் தனி தன்மை வாய்ந்தவன். ஆனால் தனக்கும் தன்னை சுற்றி இருப்போருக்கு கெடுதல் நினைத்தால் கோபத்தில் சிவக்கும் அவன் இரு கண்கள் அந்த சிவன் நெற்றிக்கண் திறக்கும் அளவிற்கு சமமான கோபத்திற்கு இணையானது. சென்னையின் மற்றொரு அடையாளம் ருத்ரன் குடிசையில் இருக்கும் ஏழை முதல் பெரும் பணக்காரர்கள், அரசியல்வாதிகள் என இவனை அறியாதவர்கள் இருக்க முடியாது. இவனை பற்றி முழமையாக தெரிந்தவர்கள் மற்றும் எதிர்ப்பவர்கள் உயிரோடு இருக்க முடியாது ஒரே நேரத்தில் பல தொழில்களை பல்வேறு நாடுகளில் செய்யும் திறன் பெற்றவன். உள்ளூர் முதல் உலக நாடுகள் வரை பெயர் NR குழமத்தை உருவாக்கிய ஒற்றை மனிதன் இவன் செய்யாத தொழில்களும் இல்லை, இவன் பெயர் சொல்லாத தொழில்துறைகளும் இல்லை அரசியல், சினிமா, விளையாட்டு என அனைத்திலும் தன் புகழ் ஓங்க செய்தவன். ஆனால் இன்று இருளின் அழகையும் நிலவின் வெளிச்சத்தையும் ரசித்த அதே பால்கனி விளிம்பில் நின்று உலக வாழ்வில் இருந்து தன் வாழ்வை முடித்துக்கொள்ள தயாராகி கொண்டு இருக்கிறான் காரணம் அறிந்தவன் அவன் மட்டுமே....

 

[T23]

என்னுள் நீ episode 2

இவள் நிஹாரிகா 25 வயது அழகி, நீண்ட கார் கூந்தல், மையல் கொள்ளும் விழிகள், வண்டு வந்து தேன் உண்ண ஆசைப்படும் உதடுகள், நீண்ட கைகள் அதில் நேர்த்தியாக வெட்டப்பட்ட நகங்கள் மென்மையான கன்னங்கள், கோவப்பட்டால் சிவக்கும் மூக்கு, போதை வரச் செய்யும் முன்னழகு, மெல்லிய இடை, செதுக்கப்பட்ட சிலை என்று இவளை சொல்லலாம். நிஹாரிகா பெயற்கேற்ற மாதிரி அந்த வீண்மீன் கூட்டங்களைப் போல் எப்பொழுதும் மற்றவர்களுடன் கூட்டமாக இருப்பது இவள் சிறப்பு. அந்த விண்னை விட்டு மண்னைத் தொடும் முதல் மழைதுளி போல் உள்ளத்தால் தூய்மையானவள், இயற்கையை ரசிப்பவள், தன்னை சுற்றி இருப்பவர்களை நேசிப்பவள், விளையாட்டுத்துறையில் தனக்கென்று ஒரு இடத்தைப் பிடித்தவள், பல சாதனைகளுக்கு சொந்தகாரி, தோல்வி அடைந்து விடுவாள் என்று மற்றவர்கள் எண்ணும் போது கூட கடைசி நொடியில் வெற்றியை தன் பக்கம் ஈட்டுபவள் அதற்காக போராடுபவள். பல மொழிகள் பேசும் திறன் உடையவள், இனிமையான குரல் மூலம் பலரை தன் பேச்சால் கவர்பவள். அனைவரும் விரும்பும் பெண், மிகவும் அரிதாக பிறக்கும் போதே ஐந்து அதிஷ்ட திசைகளைக் கொண்டு பிறந்தவள். ஆனாலும் ஏனோ பெற்றோருக்கு பிடிக்காத பிள்ளை. இன்பா அரசு அதிகாரி- இனியா குடும்பத் தலைவி இவர்களின் இரண்டாவது புதல்விதான் நம் கதையின் நாயகி. முதலாவது கரண் எம்.இ கம்ப்யூட்டர் சயின்ஸ் பிரிவு படித்து முடித்தவுடன் கேம்பஸ் இண்டர்வியூவில் செலக்ட் ஆகி இன்று யுகேவில் பல இலட்சம் சம்பளம் வாங்கும் பிள்ளை இவளை விட மூன்று வயது மூத்தவன். நிஹாரிகா பி.எஸ்சி கம்ப்யூட்டர் சயின்ஸ் முடித்து விட்டு பல்வேறு இடங்களில் பல துறைகளில் வேலை செய்தவள். எதையும் தெரிந்துக் கொள்ளும் ஆர்வம் உடையவள், மற்றவர்களால் இவளை எளிதில் புரிந்துக்கொள்ள இயலாது மிகவும் தனிதிறன் கொண்டவள். கொடுப்பதையே திருப்பிக் கொடுப்பவள் அது அன்பாக இருந்தாலும் சரி இல்லை வம்பாக இருந்தாலும் சரி. இத்தனை ஆண்டுகள் மற்றவர்களோடு இருந்து தன் வாழ்க்கையை அவர்களுக்காக வாழ்ந்தவள், தனக்கான வாழ்வின் சந்தோஷங்களை தொலைத்து விட்டு சூழ்நிலை கைதியாக கடல் தாண்டி வந்தவள் இன்று ஏனோ அந்த பெளர்ணமி இரவின் ஏகாந்த பொழுதில் தான் ரசிக்கும் அழகிய கடல் அலைகளின் நடுவில் நின்று அந்த நிலவிடம் உரையாடிவிட்டு தன் வாழ்வை முடித்துக் கொள்ள காத்திருக்கிறாள். காரணம் இவள் மட்டும் அறிவாள்...

 

[T23]

என்னுள் நீ episode 3

50 வருடங்களுக்கு முன்பு

ராஜபாளையம் அருகில் இருக்கும் ஒரு சிறிய கிராமம் தேனூர் வானம் பார்த்த பூமி மக்கள் மழையை மட்டுமே நம்பி விவசாயம் செய்யும் இந்த ஊரில் வாழும் ஒரு சில குடும்பங்களில் இரண்டு குருமூர்த்தி அவரது மனைவி ஆண்டாள், முத்து அவர் மனைவி செல்வி. குருமூர்த்தி மற்றும் முத்து உறவினர்கள் மட்டுமின்றி நல்ல நண்பர்கள். இருவருக்கும் ஒரே வயது

குருமூர்த்தி படிப்பறிவு இல்லாதவர் பள்ளி படிப்பை கூட முடிக்கவில்லை, ஆனால் மிகவும் நேர்மையான மற்றும் அமைதியான அதிர்ந்து கூட பேச தெரியாத மனிதர். தன்னிடம் இருக்கும் இரண்டு ஏக்கர் நிலத்தில் விவசாயம் செய்து வருகிறார் .

முத்து முன்கோபி ஆனால் நல்ல மனிதர் பத்தாவது வரை படித்தவர். தன்னிடம் இருக்கும் இருபது ஏக்கர் நிலத்தில் விவசாயம் செய்து வருகிறார். அவரது தங்கை ஆண்டாள் இரண்டு வயது இளையவள்.

ஆண்டாள் லேசாக திக்கி பேசும் பழக்கம் உடையவள் நிதானமாக பேசினால் ஒரளவு நன்றாக பேசுவாள் ஆனால் கோபத்தில் அதுவும் வராது அப்படியே பேசினால் கூட ஒரு சில வார்த்தைகள்
தான் பார்க்க மிகவும் அழகான அதே சமயம் மிக பொறுப்பான குணம் உடைய பெண் எட்டாவது வரை படித்தவர் அப்படி இருந்ததும் இந்த ஒற்றை காரணத்திற்காக திருமணம் தாமதமாகியது.

பெண் பார்க்க வருபவர்கள் அனைவரும் இதை ஒரு குறையாக கூறி நிறைய சீர்வரிசை கொடுத்தால் திருமணம் செய்வதாக கூறியதால் தன்னிடம் இருக்கும் சின்ன குறையை பணத்தால் விலை பேசுகிறார்கள் என்று எண்ணி திருமணத்தை தள்ளி வைத்துக் கொண்டிருக்கிறாள்.

முத்து கூட சில சமயம் நல்ல வரன் கேட்கும் சீர் கொடுக்கலாம் என்று எண்ணினால் கூட தன்னிடம் இருக்கும் குறையை பெரிதாக பார்க்காமல் தன்னை விரும்பி ஏற்றுக் கொள்ளும் ஒருவரைதான் மணம் முடிக்க வேண்டும் என்ற முடிவுடன் இன்று வரை கன்னிப் பெண்ணாக இருக்கிறார்.

முத்து பல நாட்கள் வேதனையில் குருமூர்த்தியிடம் பெண் கேட்பவர்கள் அனைவரும் அவளிடம் இருக்கும் குணங்களை பார்க்காமல் குறையை மட்டும் பார்ப்பதாக கூறி அழுது இருக்கிறார் அப்போது எல்லாம் அரவணைத்து ஆறுதல் கூறுவது எல்லாம் இவர்தான். அந்த சமயத்தில் எல்லாம் அவர் இறைவனிடம் வேண்டுவது ஓன்றுதான் அது ஆண்டாளுக்கு நல்ல மாப்பிள்ளை வேண்டும் என்பதுதான்.

ஆனால் இறைவன் லீலை என்ன என்பதை மனிதன் அறிந்து கொள்ள முடிவதில்லை. அதனால் அவருக்கு தெரியவில்லை ஆண்டாளுக்கு ஏற்ற மணமகன் அவர்தான் என்றும் இருவருக்கும் வெகு விரைவில் திருமணம் நடைபெறும் என்று.

அன்று அந்த ஊரில் அம்மன் கோயில் திருவிழா மிகவும் பிரசித்தி பெற்றது மூன்று நாட்கள் நடைபெறும் இந்த திருவிழாவில் ஆடல் பாடல் என அனைத்தும் உண்டு மேலும் பல்வேறு ஊரே சேர்ந்தவர்கள் வருவார்கள்.

அப்படி வந்தவர்களில் ஒருவன்தான் ராசா. பக்கத்து ஊரை சேர்ந்தவன் பண்ணையாரின் மகன் என்பதால் பணத்திமிர் மற்றும் கர்வம் பிடித்தவன். இந்த ஊரில் இருக்கும் அவர்கள் உறவினர்கள் வீட்டிற்கு திருவிழாவிற்காக வந்தவன்.

அவனுக்கு குடிப்பழக்கம் உண்டு குடிப்போதையில் திருவிழா நடைபெறும் இடத்திற்கு போது அங்கு வந்த ஒரு பெண்ணிடம் சில்மிஷம் செய்ய அதை பார்த்த ஆண்டாள் கோபத்தில் அவனிடம் சண்டையிட அவமானத்தில் அங்கு இருந்து சென்றான்.

இது கோவிலை விட்டு சற்று தொலைவில் நடந்ததால் யாருக்கும் அதிகமாக தெரியவில்லை ஒரு பெண்ணின் விஷயம் என்பதால் ஆண்டாளும் இது பற்றி யாரிடமும் கூறவில்லை. ஆனால் அந்த ஒரு நிகழ்வு தன் விதியை மாற்றும் என்று அவள் அறியவில்லை.

திருவிழாவின் கடைசி நாளில் ஆண்டாளை பெண் கேட்க முத்து வீட்டிற்கு பண்ணையார் நல்லசிவம் அவரது மனைவி அலமேலு மகன் ராசா அவன் நண்பர்கள் இருவர் மற்றும் உறவினர்கள் என்று அவர் வீட்டில் இருந்து நிறைய பேர் வந்திருந்தனர்.

பண்ணையார் பெயருக்கு ஏற்றவாறு மிகவும் நல்லவர் ஆனால் அவர் மகன் தலைகீழ் குடிப்பது தெரிந்தால் தனக்கு வீட்டில் இருக்கும் நல்ல பேர் போய்விடும் என்பதால் அவன் குடித்து விட்டு வீட்டிற்கு வரமாட்டான் தன் தோப்பில் நண்பர்களுடன் இருப்பான் அவர்களுக்கு மட்டும் தான் தெரியும் அவனைப் பற்றி ஆனால் அவன் செயல் அனைத்தும் ஊருக்கு வெளியே நடப்பதால் பெற்றோருக்கு தெரிய வாய்ப்பில்லை. அதனால் அவனை நல்லவன் என்று எண்ணி பெண் பார்க்க வந்துள்ளனர்.

பண்ணையாருக்கும் முத்துவை தெரியும் என்பதால் பேச்சு மிகவும் எளிமையாக இருந்தது.
அவர் முத்துவிடம் என் மகன் திருவிழாவில் உன் தங்கையை பார்த்து விருப்ப பட்டுவிட்டான் திருமணம் என்று ஒன்று செய்ததால் அது அவளைதான் என்று கூறியதால் உடனே பெண் கேட்க வந்து விட்டேன் என்று கூறினார்.

மேலும் விசாரித்ததில் அவளைப் பற்றி தெரியும் அதனால் எங்களுக்கு பிரச்சினை எதுவும் இல்லை என்று கூறியதால் முத்துவிற்கு மிகவும் சந்தோஷம். அவர்களுக்கும் ஒற்றை மகனின் சந்தோஷம் பெரிதாக இருந்ததால்
இது ஒரு குறையாக தெரியவில்லை உறவினர்கள் கேட்ட போது கூட மகனிற்காக என்றார் ஆனால் அவன் மனதின் எண்ணம் மற்றும் அதில் இருக்கும் சூழ்ச்சிகளை பற்றி அறியவில்லை.

இவர்கள் அனைவரும் வீட்டினுள் இருந்து பேசிக்கொண்டு இருக்க வீட்டிற்கு வெளியே ராசா மற்றும் அவன் நண்பர்கள் பேசிக் கொண்டிருந்தனர். அப்போது அவர்கள் அவனிடம் என்னடா இது இரண்டு நாள் முன்னாடி வரை அவ உன்கிட்ட சண்டை போட்டானு அவ்வளவு கோபப்பட்ட இப்ப அதே பொண்ணை கல்யாணம் பண்ணிக்க போற என்ன ஆச்சு என்று கேள்வி கேட்க அவன் என்ன பதில் சொல்லப் போகிறான் என்று இருவர் ஆர்வமாக காத்திருந்தனர் யார் அவர்கள்....

 

[T23]

என்னுள் நீ episode 4

வீட்டிற்கு வெளியே யாரும் வருகிறார்களா என்று பார்த்துக் கொண்டு ராசா தன் நண்பர்களிடம் நான் அவளை ஆசைப்பட்டு கல்யாணம் பண்ணவில்லை என்னை அவமானப்படுத்தியதாக பழிவாங்க வேண்டும் என்ற எண்ணத்தில் இந்த திருமணத்திற்கு ஏற்பாடு செய்வதாக கூறினான்.

நான் குடித்துவிட்டு வேறு ஒரு பெண்ணிடம் தவறாக நடக்க முயன்றதால் தான் என்னிடம் சண்டை போட்டாள் இனி வாழ்நாள் முழுவதும் அவள் இந்த கொடுமையை அனுபவிக்க வேண்டும்

அவளை பற்றி விசாரித்தபோது அவள் திக்குவாய் என்று எனக்கு தெரியும் யாரோ ஒருத்திக்காக என்னிடம் சண்டை போட்டாள் ஆனால் அன்று சண்டை போடும் போது மிக ஆக்ரோஷமாக பேசியதால் தான் இன்று இந்த பெண் பார்க்கும் படலம்.

மேலும் தன்னை மட்டும் விரும்பி பெண் கேட்டு வருபவனைதான் திருமணம் செய்வதாக இவள் அண்ணணிடம் சொல்லி இருக்கிறாள் இன்று இதையை
காரணமாக கூறி என் பெற்றோரை அழைத்து வந்துவிட்டேன் என்று சொல்ல

இதை கேட்டு கொண்டு இருந்தது அவன் நண்பர்கள் மட்டும் அல்ல அறையின் உள் நின்று ஜன்னலின் வழியாக ஆண்டாள் மற்றும் சுவற்றின் அடுத்த பக்கத்தில் இருந்த குருமூர்த்தியும்தான்

குருமூர்த்தி தன் நண்பனின் தங்கையை பக்கத்து ஊர் பண்ணையார் பெண் கேட்டு வந்திருப்பதை அறிந்து அவர்களை காண வீட்டிற்கு வந்தவர் தன்னுடைய சைக்கிளை நிறுத்தி விட்டு வீட்டிற்குள் சென்ற போது முத்து இவரை இளநீர் கொண்டு வர சொல்லியதால் இவர் வெளியே சென்றது யாருக்கும் தெரிந்து இருக்க வாய்ப்பில்லை.

அவர் இளநீர் எடுத்துக் கொண்டு திரும்பி வரும் வழியில்தான் இவர்கள் பேசுவதை கேட்டு ஓரமாக நின்றார் ஆண்டாள் பற்றி என்ன சொல்லுகிறார்கள் என்று தெரிந்து கொள்ள

அதைப்போல் தான் ஆண்டாளும் இவன் தன்னை எதற்காக திருமணம் செய்ய நினைக்கிறான் அதுவும் சண்டை போட்டு முழுதாக ஒரு வாரம் கூட ஆகவில்லை அதற்குள் எதற்காக இப்படி என்று தெரியாமல் ஜன்னலின் ஓரம் நின்று யோசித்து கொண்டு இருக்க இவர்கள் பேசுவதை கேட்க நேர்ந்தது.

ஆனால் ராசாக்கு தெரியவில்லை அவன் பேசுவதை இருவர் கேட்டு கொண்டு இருக்கிறார்கள் என்று

இங்கு வீட்டிற்குள் முத்து அனைவரிடமும் திருமணம் குறித்து பேசிக்கொண்டு இருக்க குருமூர்த்தி அவசரமாக பின் வாசல் வழியாக உள்ளே வந்தவர் முத்துவிடம் இந்த திருமணத்திற்கு சம்மதம் தெரிவிக்க வேண்டாம் என்று கூறினார் இதனைக் கேட்டு மற்ற அனைவரும் கோபம் அடைந்தனர்.

நல்லசிவம் கூட ஏன் என்று சற்று சினத்துடன் கேட்டதற்கு உங்கள் பையனுக்கு குடிப்பழக்கம் இருக்கு என்று கூறினார்.இது கேட்டு அனைவருக்கும் அதிர்ச்சிதான் இருந்தாலும் யாராலும் நம்பவில்லை.

அதே சமயம் ஆண்டாளும் தன் அண்ணனிடம் தனக்கு இந்த திருமணம் வேண்டாம் அவனுக்கு குடிப்பழக்கம் இருப்பது தனக்குத் தெரியும் என்று கூறினாள் ஆனால் இருவரும் எப்படி என்று சொல்லவில்லை அப்படி சொன்னால் மற்றொரு பெண்ணை பற்றி அடுத்தவர் முன்னிலையில் பேச வேண்டி வரும் என்பதால் ஆனால் இதுவே இவர்களை மற்றவர்கள் முன்னிலையில் தவறாக காட்டியது.

சத்தம் கேட்டு உள்ளே வந்த ராசா என்ன என்று கேட்க நடந்ததை கூறினர் அதைக்
கேட்டு கோபம் கொண்ட அவன் என்னை பிடிக்கவில்லை என்றால் நேரடியாக சொல்ல வேண்டும் அதை விட்டு இப்படி பழி போடக்கூடாது என்று சொல்ல ஆண்டாள் குருமூர்த்தி இருவருக்கும் அதிர்ச்சி ஆனாலும் பேசாது இருந்தனர் வந்தவர்கள் அனைவரும் இவர்கள் இருவரையும் இணைத்து வைத்து பேசினர்.

மேலும் இவர்கள் ஒருவரை விரும்புகின்றனர் அதனால் தான் இவ்வாறு பண்ணுகின்றனர் என்று சிலர் இல்லாததை எல்லாம் வாய்க்கு வந்தபடி சொன்னார்கள் முத்துவிடம் இவன் சொன்னதை கேட்டு எங்கள் பையனை வேண்டாம் என்று சொல்லிவிட்டு யாருக்கு கட்டி வைக்க போகிறாய் யார் இந்த திக்குவாய் கூட இருப்பார்கள் என்று கூறினார்கள்

நாங்கள் நல்லவர்களாக இருப்பதால் கல்யாணத்திற்கு சம்மதம் சொன்னோம் இனி வாழ்நாள் முழுவதும் உன் தங்கை இப்படிதான் இருப்பாள் என்று சாபம் விட்டனர்

பெண் வீட்டினர் அனைவரும் முழுமையான காரணம் தெரியாததால் அமைதியாக இருந்தனர் ஆனால் முத்துவிற்கும் இதை எல்லாம் கேட்க ஒரு அளவிற்கு மேல் கோவம் வந்தது தன் நண்பனை மற்றும் தங்கையை பற்றி கூறியதை கேட்டு அவன் அனைவரிடமும் எனக்கு அவர்களை பற்றி தெரியும் இனி நீங்கள் யாரும் என் குடும்பத்தை பற்றி பேச வேண்டாம் என்று கூறியவர் வரும் நல்ல முகூர்த்தத்தில் தன் தங்கைக்கும் நண்பனுக்கும் திருமணம் என்று கூறினார்.

அதை கேட்டு வந்திருந்த அனைவரும் திரும்பி போயினர். ராசாவுக்கு இருவர் மேலும் இன்னும் கோபம் வந்தது பழிவாங்கும் எண்ணம் அதிகமாகியது.

அனைவரும் சென்ற பின் முத்துவிடம் அனைத்தையும் கூறிய குருமூர்த்தி ஆண்டாளுக்கு வேறு மாப்பிள்ளை பார்க்கலாம் இவர்கள் சொல்வதை நம்பி இருவரையும் சந்தேகப்பட்டு திருமணம் செய்து வைக்க வேண்டாம் மேலும் அவள் என்னை கல்யாணம் பண்ணி அவள் கஷ்ட படவேண்டாம் என்று கூறினார்

அதைக் கேட்ட முத்து இல்லை மூர்த்தி உன்னை பற்றி தெரிந்தும் இப்போது வரை உன்னிடம் என் தங்கையை திருமணம் செய்து கொள்கிறாயா என்று கேட்கவில்லை ஆனால் இன்று வந்தவர்கள் அதற்காக எனக்கு சரியான தண்டனை கொடுத்து விட்டார்கள் என்று கூறி மேலும் தன் தங்கையை திருமணம் செய்து கொள்ள கேட்டார்.

மூர்த்தி ஆண்டாளுக்கு விருப்பம் என்றால் எனக்கும் சம்மதம் என்றும் மேலும் வரதட்சணை எதுவும் வேண்டாம் என்று கூறினார்.
ஆண்டாளுக்கும் அவரது நல்ல குணங்கள் பிடிக்கும் என்பதால் திருமணத்திற்கு சம்மதித்தார்.

இன்று வரை இருவருக்கும் இடையில் படிப்பு மற்றும் பணம் வந்ததில்லை அதனால் திருமணம் கூட நல்ல முறையில் நடைபெற்றது. கல்யாணத்திற்கு வந்து இருந்த பலர் ஒன்றும் இல்லாத இவனுக்கு எதுக்கு பெண் குடுத்திங்க என்று கேட்டபோது

பலர் பணத்திற்காக என் தங்கையை திருமணம் செய்ய ஆசைப்பட்ட போது எங்கள் நட்பு மற்றும் நம்பிக்கையை மட்டுமே அடிப்படையாகக் கொண்டு இந்த கல்யாணம் நடப்பதாக கூறினார்.

திருமணம் முடிந்து மூன்று மாதத்துக்கு பின் மூர்த்தி மற்றும் ஆண்டாள் இருவரும் இணைந்து முத்துவிற்கு பெண் பார்த்தனர். தங்கள் தூரத்து உறவினர் மகள் மற்றும் தன் உடன் படித்த பள்ளி தோழி செல்வியை திருமணம் செய்து வைத்தனர் முதலில் மறுத்து வந்த முத்து பின்பு தங்கை வளைகாப்பிற்கு பெண் துணை வேண்டும் என்று சம்மதித்தார்.

செல்வியும் மூர்த்தியை போன்று மிகவும் ஏழ்மையான குடும்பத்தில் இருந்து வந்த பெண்தான் இருந்தாலும் குணத்தில் சிறந்தவள் அது மட்டுமல்லாமல் தன் தங்கையின் தோழி அதனால் எந்த பிரச்சினையும் இல்லை என்று நினைத்தார். அதைப்போல் இருவரும் நல்ல தோழிகளாகவே இருந்தனர் திருமணத்திற்கு பின்பும்

இவர்கள் நட்பு மற்றும் குடும்பம் இரண்டும் நன்றாக வளர்ந்தது. முதலில் ஆண்டாளுக்கு ஆண் குழந்தை பிறந்தது அப்போது ஏற்பட்ட சிறு பிரச்சினை காரணமாக அடுத்து குழந்தை பிறப்பது கஷ்டம் என்று கூறியதால் ஒற்றை குழந்தை போதும் என்று கூறிவிட்டார் மூர்த்தி ஆனாலும் ஆண்டாளுக்கு பெண் பிள்ளை வேண்டும் என்று ஆசை.

ஆண்டாளுக்கு குழந்தை பிறந்தபோது நட்ராஜ் என்று பெயரிட்டு மொட்டை அடிப்பது காது குத்துவது என அனைத்தையும் செய்முறைகளையும் சிறப்பாக செய்தவர் முத்து மேலும் தன் சொத்தில் பாதி பத்து ஏக்கரை நட்ராஜ் பெயரில் எழுதி வைத்தார் கேட்டதற்கு தாய்மாமன் சீர் என்று சொன்னார்.

நட்ராஜ் பிறந்த ஏழு மாதங்களுக்கு பின் பிறந்தவன் மணி செல்வி மற்றும் முத்துவின் புதல்வன் இருவர் வீட்டிலும் ஆண் குழந்தை என்பதால் ஆண்டாள் எப்போதும் செல்வியிடம் கூறுவது உண்டு அடுத்து ஒரு பெண் குழந்தை வேண்டும் என்று

ஆண்டாளின் ஆசைக்காக மூன்று ஆண்டுகளுக்கு பின் பிறந்தாள் இவள். பாலின் நிறம் கொண்டு பார்க்க ஒரு பொம்மை போன்று இருந்தாள் ஆஸ்பத்திரியில் இருக்கும் செல்வியை பார்க்க அனைவரும் வந்து இருக்க
முத்து தனக்கு தங்கை வேண்டாம் பார்க்க வரமாட்டேன் என்று சண்டை இட்டதால் அவளை முதலில் பார்த்தது நட்ராஜ்.

பார்த்ததும் அவளை நிலா பாப்பா என்றுதான் அழைத்தான் அதனால் அவளுக்கு நிலா என்றே பெயரிட்டனர் இரு வீட்டிற்கும் முதல் பெண் குழந்தை என்பதால் அனைவருக்கும் செல்லம்.

நிலா வரும்வரை மணிக்கு வீட்டில்
எல்லாம் முதலாவதாக கிடைக்கும் ஆனால் இன்று எல்லோரும் அவளை கொஞ்சுவது அவனுக்கு அவள் மேல் கோபம் அதனால்
சிறுவயது முதல் மணிக்கும் நிலாவிற்கும் ஆகாது எப்போதும் அவளை அழ வைப்பதுதான் அவன் வேலை அதனால் அவள் அதிகமாக இருப்பது நட்ராஜ் இடம்தான்

பல நாட்கள் அவளுக்காக இவன் பசங்களுடன் விளையாட போகாமல் இருப்பதும் உண்டு. நிலாவுடன் சேர்ந்து சின்ன குழந்தைகளுடன் இருப்பான் அப்போது எல்லாம் மணிக்கு கோபம் வரும் அது இன்னும் நிலாவின் மேல் வெறுப்பை உண்டாக்கியது.

அதனால் சிறுவயது முதல் நிலா நட்ராஜ் உடன் மிகவும் நெருக்கமாக இருந்தாள் அனைத்தையும் அவனிடம் தான் முதலில் கூறுவாள் ஆனால் இதுவே பின் நாளில் எல்லா பிரச்சினைகளுக்கும் காரணமாக அமைந்தது.

நாட்கள் வளர வளர பசங்களும் வளர்ந்தனர் அனைத்தும் நன்றாக போனது மூர்த்தியும் மகனுக்கு கொடுக்கப்பட்ட இடத்தில் விவசாயம் செய்தார் பிள்ளைகள் அனைவரும் பள்ளிக்கு சென்று கொண்டு இருந்தனர் நட்ராஜ் மற்றும் மணி பத்தாம் வகுப்பு படித்தனர், நிலா ஏழாவது.

அனைத்தும் நன்றாக போய் கொண்டு இருந்தது அந்த ஒரு நாள் இரவு வரும் வரை அன்று நள்ளிரவில் மூர்த்திக்கு நெஞ்சுவலி வர அருகில் இருக்கும் ஆஸ்பத்திரியில் சேர்த்தனர்

டாக்டர் பரிசோதனை செய்த
பின் இதயத்தில் ஓட்டை இருப்பதற்கான வாய்ப்புகள் உள்ளது என்றும் தொடர் சிகிச்சைக்கு பெரிய ஆஸ்பத்திரியில் சேர வேண்டும் என்று கூறினர். கடினமான வேலைகளை செய்யக்கூடாது என்று சொன்னார்கள்.

ஒரு வார சிகிச்சைக்கு பின்பு அனைவரும் ஆஸ்பத்திரியில் இருந்து வீட்டிற்கு வந்தனர். அன்றில் இருந்து நட்ராஜ் படிப்பை நிறுத்தி விட்டு தன் தந்தையின் விவசாயத்தை பார்க்க தொடங்கினான்.

முத்து தன் உதவி செய்கிறேன் அனைத்தையும் பார்த்துக் கொள்கிறேன் என்று கூறியபோது கூட குடும்ப பாரத்தை ஏற்று கொண்டான். தன் தாய் தந்தையை நன்றாக பார்த்துக்கொள்வதாக கூறினான்

நட்ராஜ் படிப்பை இடையில் நிறுத்தியதில் வீட்டில் அனைவரும் கவலைபட்டனர் பள்ளியிலும் ஆசிரியர்கள் எல்லாருக்கும் பிடித்த மாணவன் படிப்பை பாதியில் நிறுத்தித்திற்கு மிகவும் வருத்தம் தெரிவித்தார் ஆனாலும் அவன் உறுதியாக இருந்த காரணத்தால் யாராலும் ஒன்றும் செய்ய இயலவில்லை.

மூர்த்திக்கு நான்தான் ஒழுங்காக படிக்கவில்லை அதனால் என்ன ஆனாலும் பையனை நிறைய படிக்க வைக்க வேண்டும் பெரிய பதவியில் இருக்க என்று ஆசையுடன் இருந்தார் இதை எப்பொழுதும் மனைவியிடமும் முத்துவிடமும் சொல்லுவார்.

ஆனால் இன்று தன்னால் மகன் பள்ளிக்கு செல்லவில்லை என்பதில் அவருக்கு மிகவும் வேதனை அப்போது எல்லாம் ஆறுதல் கூறுவது ஆண்டாளும் முத்துவும் தான்.

நட்ராஜ் மற்றும் மணி இருவருக்கும் சிறுவயது முதலே ஆசை சொந்தமாக தொழில் தொடங்க வேண்டும் என்று ஆசை நன்றாக படித்து நல்ல முறையில் ஒரு கம்பெனி ஆரம்பித்து அதில் பத்து பேருக்கு வேலை கொடுக்க வேண்டும் என்று ஆனால் இன்று அது அனைத்தையும் மறந்து குடும்பத்திற்காக விவசாயம் செய்கிறான்.

நட்ராஜ் விவசாயம் ஆரம்பித்த நேரம் அனைத்தும் நல்ல முறையில் நடந்தது. மழை கூட நன்றாக இருந்தது மேலும் தண்ணீரை சேகரித்து வைத்து உபயோகப் படுத்தினார்.

முத்துக்கு கூட இதில் சந்தோஷம் தன் மருமகன் நல்ல முறையில் விவசாயம் செய்வதை எண்ணி நாட்கள் நகர்ந்தது மணி கல்லூரி இறுதி ஆண்டிலும் நிலா பனிரெண்டாம் வகுப்பு இறுதியில் இருந்தனர்.

நிலாவை பத்தாவதுக்கு மேல் படிக்க வைக்க வேண்டாம் என்று செல்வி கூறியபோது கூட அவள் பள்ளிக்கு செல்ல வேண்டும் என்று வீட்டில் சண்டை போட்டது நட்ராஜ்தான்.

இப்போதும் அடுத்து கல்லூரி செல்ல வேண்டும் என்று ஆசை அதை வீட்டில் சொன்னவுடன் சண்டை வந்தது அதனால் அழுது கொண்டு நேராக வந்தது என்னவோ நட்ராஜ் வேலை பார்த்துக் கொண்டு இருக்கும் இடத்திற்குதான்.

அவனும் இரவு வீட்டில் பேசுவதாக கூறிய பின்புதான் நிலாவிற்கு தைரியம் எப்படியும் கல்லூரி போய் விடுவோம் என்று ஒரு நம்பிக்கை வந்தது அந்த சந்தோஷத்தில் அவள் நட்ராஜ்க்கு கன்னத்தில் முத்தமிட்டால் இது அந்த வழியாக வந்த ஒருசில வேண்டாதவர்களின் கண்ணில் பட்டது. இதை இருவரும் கவனிக்க வில்லை பேசிக் கொண்டே வயலில் வேலை செய்தனர்.

இரவு முத்து வீட்டிற்கு நிலாவுடன் வந்த நட்ராஜ் அவள் கல்லூரி போக ஆசைப்படுகிறாள் அனுப்பி விடுங்கள் மாமா என்று கூறினான்.முத்துவும் செல்வியும் உனக்காக தான் நாங்கள் பள்ளிக்கு அனுப்பினோம் இது போதும் இனி கல்லூரி படிப்பு எதுவும் வேண்டாம் என்று கூறியும் அப்படியானால் நீங்கள் அவளை படிக்க வைக்கவில்லை என்றால் நான் பார்த்துக் கொள்கிறேன் என்று கூறிய பின்புதான் சண்டை ஒரு வழியாக முடிவுக்கு வந்தது அதுவும் படிப்பு முடித்தவுடன் திருமணத்திற்கு சம்மதித்தால் மட்டும் என்ற கட்டளையுடன்.

அப்போது மணி நட்ராஜ் இடத்தில் போய் இவள் இப்படி அடம்படிக்க காரணம் நீ கொடுக்கும் செல்லம்தான் என்று சண்டை போட்டான் இதனால் பின்னாளில் அனைவருக்கும் கஷ்டம் என்று கூறினான்.

அவன் வார்த்தைகள் எல்லாம் உண்மையானது நிலாவின் மீது கொண்ட அன்பினால் நட்ராஜ் செய்த காரியங்கள் எல்லாம் பலரின் வாழ்க்கையை அழிக்கும் என்று யாரும் அறியவில்லை.