32. தேடல் தீருமோ கதைக்கான விமர்சனங்கள்

BawaniBala · Aug 11, 2021

வணக்கம் சகோதரிகளே..

#தேடல்தீருமோ

கதை எண் 32

பொம்மு நாவலின் போட்டிக் கதை.

தேடலின் வலித்தேடல் காதல் தேடலே..
தேடித் தேடித் தொலைந்த நிலைகள்..
தேடலால் தொடார்ந்திட..
தீராத தேடலும் தீர்ந்ததோ..

மித்ர மங்கையின் தேடல் அபிநய நாயகனை
கைபிடிக்க துடிக்க..
ஜெகமிட்ட நேசனோ தோய்ந்த தேடலை தூர்வாரிட
தேடல் தீர்ந்திட விதி செய்த..
தேடல் தான் என்னவோ..

மித்ரா (மகி) தன் நாயகனை தேடி செல்லும் வலி நிறைந்த பயணம், கண்ணீரே.. கண்ணீரை துடைத்து போராடி அவனை நெறுங்கிய நேரமெல்லாம். சுமையான வலியே.. கலகலப்பான பெண்ணவளோ கண்ணீரின் நாயகியாகி போனது விதியே..

அபி காதலின் உயிர்மூச்சு என்றால். அவனின் பாசமும் உயிரான ஒன்று. புன்னகையே இவனின் புழங்காகிதம்.

ஜெகன் சொல்லமுடியாத வலி நிறைந்த வளர்ந்த புகழ் பூத்த நல்ல நேயன். இவனின் பார்க்காத காதலும்.. கிடைத்து மறைந்த சகோதர
பாசமும்,பெற்றவர்களின் தூரவிலகிய பாசமும் வலி.. வலி.. வலிமட்டுமேயான பாரமான உணர்வு.

காதல் வந்தும் கைபிடிக்க முடியாத ஜெகனின் காதல் வலி .எமக்கும் வலியே.. அவனின் இறுதி நிமிட தண்டனை தீயவனுக்கு எமனாக வருவது சபாஷ் போட வைத்தது. அவன் கடைசியாக சொல்லும் வரிகள் எல்லாம் மிகவும் அருமையே..

வசுந்தராவின் தமிழுரை கடிதம் ஆச்சரியம் .. ஆனாலும் அதுவே
நீதி தேவதையின் தண்டனை கடிதமன்றோ...

அர்வி,விக்கி,மகா இவார்களின் அன்பில் பிரதியில்லி நேசம் கண்டேன். விக்கியை புரிந்து கொண்ட போதும் பாவமே நிதர்சனமாக..

அழகான எழுத்து நடை. முதிர்ச்சியின் சாயலில் வந்தது மிகவும் அருமை ஆசிரிய தோழியே.. பல முடிச்சுகளை அழகாக விடுவித்தது அருமை. அதிலும்.. ஒன்றில் மனதில் பாரம் ஏறி போனது.. ஆனால் அதுவே கதையின் உயிர் என்றபோது .அருமையாக இருந்ததது. மனதை தேற்றவும் முடிந்தது.

அருமையான உணர்வை தூண்டிய கதை. வாழ்த்துக்கள் மா.

போட்டியில் வெற்றி பெறவும் வாழ்த்துக்கள் மா.

Shayini Hamsha · Aug 26, 2021

டுவிஸ்ட் 21நாவல் போட்டி

கதை இல 32

கதை விமர்சனம்

தேடல் தீருமோ

ஆரம்பம் முதல் இறுதிவரையும் விறுவிறுப்புகளுக்கும் , எதிர்பாராத
கதை நகர்வுகளுக்கும் பஞ்சமில்லாது,
கதையின் நாயகி அவளின் காதலை
தேடிச் செல்லும் தேடல் பயணத்தில் ஆரம்பிக்கும் கதை தேடல்தீரூமோ

நாயகி மித்ராவின் தேடல் பயணம்
கதை இறுதிவரை தொடர்கிறதா ? அல்லது தேடல் தீர்ந்ததா? என்பதை
கதைப் போக்கில் படித்து தெரிந்து
கொள்ளுங்கள்....

நாயகி மித்ரா அமைதி சுபாவமுள்ள,
அருமையான பெண். காதலை தேடிச்
செல்லும் காதல் போராளி , ஆனால்
அவளிற்கே காரணம் தெரியாது
இருக்கையில் அவனின் காதலே
முட்டுக்கட்டையாக இருப்பது சதியா ?
விதியா?

விக்கி சிறந்த காதலன் , ஆனால் காதலுக்காக இவன் திடீர் தீடீரென ஒவ்வொரு செயலுக்குமு எடுக்கும்
முடிவுகளின் பின்விளைவுகளால் நேரும் அவலம் ? ??

காதல் கொள்ளும் பெண்ணவளை அவனை மீறி அவனே வருத்துவது அதனால் பெண்ணவள் விலக நினைப்பது ????

அபி இவனைப் பற்றி சொல்ல
வார்த்தையே இல்லை. என்ன மாதிரியானவன் ! ?? கதையில் வரும் இடங்களில் இவன் சிரிப்புடன் சந்தோஷமாக இருக்க , நமக்கோ..! ??(ரைட்டர் ?????)

அரவிந்த் ஒருவகையில் இவனின்
நிலை பரிதாபம் உணர்வுபூர்வமான ஆத்மார்த்த காதலை மனதில் வைத்து
கொண்டு வெளிப்படுத்த இயலாமல்
தவிக்கும் இடங்கள் ...???

அருமையான ஆத்மார்த்த காதலியின்
தேடலினை உணர்வு பூர்வமாக தந்த கதையின் ஆசிரியர்க்கு எனது மனமார்ந்த பாராட்டுக்களும் மென்மேலும்நிறைய கதைகள் எழுத வாழ்த்துக்களுடனும்..!

? என்றும் அன்புடன் ஷாஜினி?
●●●●●●●●●●●●●●●●●●●

கதை திரி