என் காதல் எதிரி - கதைத்திரி

[YaasThanu]

வணக்கம் தோழர்களே ..

இது எனது முதல் கதை. பிரதிலிபியில் எழுதிய முதல் கதை. முதல் பாகம் மற்றுமே முடிந்த கதையை மீண்டும் பெயர் மாற்றம் செய்து கதையில் சில பல திருத்தங்கள் செய்து புதிதாக பதிவிட போகிறேன்.
படித்துவிட்டு தங்களது கருத்துக்களை கூறுங்கள்.

இந்த கதையின் நிறை குறைகளை எடுத்துக்கூறுங்கள்.. முடிந்தளவு தவறுகளை திருத்திகொள்ள பார்க்கிறேன்.

நன்றி

 

[YaasThanu]

என் காதல் எதிரி ​

அத்தியாயம்-1​

(அனைவருக்கும் வணக்கம் , இது என்னுடைய முதல் கதை . இதில் ஏதாவது பிழை இருந்த எடுத்து சொல்லுங்க. )

ஆடி மாதத்தில் சுழன்று வீசிய காற்றை எதிர்த்து கொண்டு வருணபகவான் பூமியை நோக்கி வர, சாதாரண மழைகூட கொட்டும் மழையாக மாறி பூமித்தாயை நனைத்தது.

திடீரென்று பெய்த மழையால், நன்றாக தூங்கிக்கொண்டு இருந்தவள், வேகமாக எழுந்து , வெளியே உள்ள துணிகளை எடுத்துக் கொண்டிருந்தாள். ஒருவழியாக எல்லா துணிகளையும் பாதி ஈரமாகவும் மீதி காய்ந்தும் அள்ளிக்கொண்டு வந்து அருகில் உள்ள டேபிள் மீது போட்டுவிட்டு வழக்கம் போல மழையை ரசிக்க தொடங்கிவிட்டாள்.

அவள் தான் நம் கதையின் நாயகி முகில். அவளது முழுப் பெயர் மகிழினி.
அவளது பெயருக்கு ஏற்றாற்போல் எப்பொழுதும் மகிழ்ச்சியாக வலம் வருவாள். அதேபோல் மற்றவர்களையும் மகிழ்வித்து மகிழ்வாள். பொறியியல் கல்லூரியில் கணினித்துறையில் (CSE) இறுதி ஆண்டு பயிலும் மாணவி. கல்லூரி வழியாக படிக்கும்போதே படிப்பிற்கு ஏற்ற, அவளுக்கு பிடித்தமான கணினித் துறையில் வேலை கிடைத்துவிட்டது.

முகில் பார்ப்பதற்கு 5’2 அடி உயரம் , அளவான உடல், நல்ல நிறம் என்று சொல்லவும் முடியாது, கருப்பு என்று சொல்லவும் முடியாது. அழகான மஞ்சள் நிற தேகம், வட்ட முகம், எப்போதும் புன்னகை சிந்தும் குழந்தை முகம்.
கல்லூரியின் இனிமையை இளமையை அனுபவிக்கும் உலக விவரம் பெரிதாக அறியாத சிறு பெண். இதற்கு பெரும் துணையாக இருந்தது அவளது குடும்பம்.

இவளுடைய அப்பா சிவசேகர் , அம்மா ரதி , அண்ணன் மகிழரசன் ,
தாத்தா ராஜசேகர், பாட்டி கற்பகம். இவங்க தான் இவங்களே தான் இவ பண்ணுற சேட்டை,குறும்பு எல்லாத்துக்கும் இவங்க கொடுக்கற செல்லம் தான் காரணம். இதை சொன்ன நம்மளை எல்லாரும் அடிக்க வந்துடுவாங்க.

வாங்க முகில் இப்போ என்ன சேட்டை பண்ணுகிறாள்ன்னு பார்ப்போம்.

‘இந்த காற்றோடு மழை எப்படி அடிக்குது பாரு.. ம்ம்ம்.. இப்போ போய் இந்த மழைல ஒரு குட்டி டான்ஸ் போட்ட எப்படி இருக்கும்.. என்ன பண்ணுறது எல்லாம் விதி.. அந்த நாய் குரங்கு என்ன மாட்டிவிடாம இருந்த இப்போ நான் எவ்ளோ சந்தோசமா என்னோட ஆருயிர் மழைல ஒரு குத்தாட்டமே போட்டுஇருப்பேன்’ என்று மனதிற்குள் நினைத்து சோகமாக இருக்கும் போது,

‘அடியேய் நல்லவளே..’

‘யாரு நம்மள இவ்ளோ மரியாதையா கூப்பிடுறது’ என்று பார்க்க,

‘இல்லாத மூளையை கசக்கி ரொம்ப யோசிக்காத.. நான்தான் உன்னோட மனசாட்சி..’

‘நான் ரொம்ப அறிவாளி .. உன்ன மாதிரி முட்டாள் கிடையாது’

‘ஹாஹாஹா…நீ ரொம்ப்ப அறிவாளி தான் .. அதுனாலதான் உன்னோட மனசாட்சிய முட்டாள்ன்னு சொல்லுற.. எங்கயாவது எவனாவது மனசாட்சி சொல்லுறபடி கேட்டுஇருக்கனா?. கேட்டுஇருந்தா எல்லாரும் உருப்பட்டு இருப்பாங்க. இப்படி நீ என்ன முட்டாள்ன்னு சொல்லிக்கிட்டு இருக்கமாட்ட..’

‘அடேங்கப்பா.. சரி சரி.. இப்போ என்ன விஷயம் அத சொல்லு’

‘சுரைக்காய்க்கு உப்பில்லைன்னு சொல்ல வந்தேன்..’

‘அம்மா தாயே உனக்கு என்ன வேணும்.. சொல்லவந்ததை சொல்லிட்டு போ..’
என்று கடுப்புடன் சொல்ல, ‘வர வர நம்ம மனசாட்சியும் பாட்டிக்கு பிரண்ட் ஆகிடுச்சு போல’

‘நீ மனசுல நினத்தாலும் எனக்கு கேட்கும்.. என்ன இருந்தாலும் நான் என்னோட கற்ப்ஸ் மாறித்தான்..ஏதோ நீ ரொம்ப நல்லவ மாதிரி அந்த குரங்கு திட்டும்ன்னு மழைல ஆடாம இருக்க.. உன்ன பத்தி தெரியாத எனக்கு..’ என்று ஒரு லுக்குடன் முகிலை பார்க்க,

‘ஆமா போய் ஆடுவேன் உனக்கென்ன.. அதுதான் உனக்கு தெரியும்தானே..’

‘தெரியும் தான் .. ஆடிட்டு அப்படியே போய் குளிச்சிட்டு பழையமாறி இருந்துக்கோன்னு சொல்லவந்தேன்’

‘அது எனக்கே தெரியும்.. நீ போ’ என்று முழுமையாக சொல்ல வந்ததை சொல்ல விடாமல் மழையில் போய் ஆட சென்று விட்டாள்.

ஒவ்வொரு மழைத்துளியையும் ரசித்து அதில் குழந்தையாய் ஆட்டம் போட்டாள். "இவ்ளோ சுகமா இருக்கு. இதைப்போய் வேண்டாம் மழைல ஆட்டம்போடத அந்த குரங்கு சொல்லுது , அவன் சொன்ன நான் கேட்கணுமா போடா குரங்கே" னு திட்டிட்டே நல்லா ஆட்டம் போட்டாள்.

அப்படியே ஈரத்தோட வீட்டுக்குள்ள வந்து ஹேர் டிரையர் போட்டு தலையை காய வச்சு டிரஸ் மாத்தி முன்ன எப்படி இருந்தாலோ அதே மாறி இப்பவும் உட்கார்ந்துநல்ல பிள்ளையாக ஈரத்துணியை காயப்போட்டாள்.

வெளியே சென்று இருந்த குடும்பத்தினர்கள் உள்ளே வர ,தரையை நோட்டமிட்டவாறே வந்த மகி, ," முகில் எதுக்குடா மழைல ஆட்டம் போட்ட , உனக்கு எதாவது சரியில்லைன்னா இங்க யாரும் என்ன நிம்மதியா இருக்க விடமாட்டாங்கனு தெரிஞ்சு தானே ஆட்டம் போட்ட "

" நான் எப்போடா மழைல ஆட்டம் போட்டேன் ,நீயா எதாவது சொல்லிட்டு இருக்காதா ",மனசுக்குள்ள இவனுக்கு எப்படி தெரிஞ்சது என்று இரு கண்களையும் முழித்துக் கொண்டு யோசித்தாள்.

“நான் சொல்லவில்லை டி , வீடுதான் உன்ன காட்டி கொடுத்துச்சு . எல்லாமே சரியாய் செய்துட்ட,ஆனா வீட்டை சுத்தம் செய்யலையே, பாரு நல்ல உன்னோட முட்டைக் கண்ணை விரிச்சு பாரு . வாசலிருந்து பாத்ரூம் வர ஈரம்” என்று சொல்லிவிட்டு சிரித்தான் .

அவளோ மனதிற்குள் மனசாட்சியை முறைக்க,’ஒய் என்ன முறைச்ச அவ்வளோதான். நான் சொல்ல வந்தத முதல்ல முழுசா நீ கேட்டியா.நீ கேட்கலை.. இப்போ அனுபவி’ என்று ஓடிவிட்டது.

அதற்குள், வீட்டில் உள்ள அனைவரும் ஒரு ஒரு வேலையை செய்ய ஆரம்பித்திருந்தனர். பாட்டி துளசி, கற்பூரவள்ளி இலையை பறிக்க செல்ல, அம்மா சுடு தண்ணீர் வைக்க அடுப்படி செல்ல, அப்பா அலோபதி மருந்து எடுக்க செல்ல, தாத்தாவோ அவரது ஸ்பெஷல் தைலம் எடுக்க செல்ல, இதையெல்லாம் பார்த்த முகில் தலையில் கைவைத்து அமர்ந்தாள்.
மகியோ அவளது படுக்கையறைக்கு சென்று அவளது கெட்டியான போர்வையை எடுத்துவர, ஒருவழியாக அவளை ஆவிபிடிக்க வைத்து கஷாயம் குடுத்து தங்களது மனதை திருப்திபடுத்திக்கொண்டனர்.

அவர்களின் பாசமழையில் நனைந்து முடிந்ததும் , மகியை அடிக்க ஓட, அவனும் அவளது அடியில் இருந்து தப்பித்துவிட்டான்.

இப்படி எல்லா சொந்தங்களும் பேரன்பும் இருந்தும் அவள் இது எதுவுமே வேண்டாம் என எல்லோரையும் விட்டு போகப் போகிறாள்..

விதி யாரை விட்டது ,இவ்வளவு சொந்தங்கள் இருந்தும் அனாதை ஆகப்போகிறோம் என்று யாராவது சொல்லியிருந்தால் அவள் உடனே அவர்களை கிண்டல் பண்ணியே கொன்றிருப்பாள்.

சிரிப்பை மற்றும் போலியான அழுகையைத் தவிர வலியின் கண்ணீரை அறியாத முகில் , இனி நீ வலியின் கண்ணீரை தவிர வேற ஆறுதல் இல்லையென்று நினைக்க போகிறாய். விதியின் விளையாட்டு ஆரம்பிப்பது அறியாமல், இன்றைய மகிழ்ச்சியை அனுபவித்துக்கொண்டு இருக்கிறாள்.

விதியின் விளையாட்டு ஆரம்பமாகிறது அடுத்த அத்தியாயத்தில் .

 

[YaasThanu]

அத்தியாயம்-2​

டேய் ரிமோட் கொடு டா"

"போடி தரமாட்டேன் "

"டேய் நாயே .. ரிமோட் கொடு என்னோட சீரியல் மிஸ் ஆகிடும் கொடு டா "

"என்னது சீரியலா ? நீ எங்கேடி அதெல்ல பாக்குற , குழந்தை மாறி கார்ட்டூன் தானே பாக்குறே . நான் தரமாட்டேன் போடி , ஏழு கழுதை வயசாச்சு இன்னும் கார்ட்டூன் பாக்குற "

டேய் நீதாண்டா நாய், பேய், குரங்கு எல்லாமே , கடைசியா கேக்குறேன் இப்போ தரமுடியுமா முடியாத ?

சில்லுனு ஒரு காதல் படத்துல மில்லுக்கு வடிவேலு தன்னோட பெயர் வைக்கச்சொன்னதுக்கு அவங்க மனைவி ஒரு ரியாக்ஷன் கொடுப்பாங்க அதே மாறி மகி , மேலிருந்து கீழ பாத்துட்டு "முடியாது முடியாது போடி "

இதுக்குமேல சும்மா இருக்கக்கூடாது முகில் ,நம்ம வேலைய ஆரம்பிப்போம் . போய் மெயின் போர்டுல இருக்க பியூஸ் எடுத்துட்டு வந்து அமைதியாக வீட்டிற்குள் சென்று படுத்து விட்டாள். வீட்டுல கரண்ட் போய்டுச்சுன்னு நினைத்தனர் .

பக்கத்து வீட்டில் டிவி ஓடும் சத்தம் கேட்டு அங்கே சென்று பார்க்க, அங்கே கரண்ட் இருந்தது. தன்னுடைய வீட்டிற்க்கு வந்து மெயின் போர்டை பார்க்க அங்கே பியூஸ் இல்லாமல் இருந்தது..
ஞாயிறு அன்று கூட ஓய்வு எடுக்காமல் வேலை பார்க்கும் ரதிக்கு இன்று எரிச்சலுடன் கோவம் சேர்ந்துகொள்ள வீட்டில் இருக்கும் இரண்டு தண்டங்களை திட்டி கரண்டியால் அடி வாங்கிகொண்டு இருந்தனர் முகிலும் மகியும்..

வெயிட் வெயிட்...

இதெல்லாம் கற்பனை பண்ணதீங்கோ ..இப்படி எல்லாம் கற்பனை பண்ணியிருந்தா அது தப்பு தப்பு...இதுங்க ரெண்டும் என்ன அராத்து வாலுங்க.. அதுவும் முகில் மற்றும் மகி கூட்டணி நம்பவே கூடாது..

ரதி," முகில் இது உன்னோட வேலையா ஞாயிற்றுக்கிழமை அதுவுமா இப்படி இரண்டு பேரும் அராஜகம் பண்ணுறீஙகளே , இப்போ நான் எப்படி சமைக்குறது ?"

"அம்மில அரைச்சுக்கோ மம்மி, ஹையா அம்மி-மம்மி நல்லருக்குல"

"வர வர உனக்கு கொழுப்பு அதிகம் ஆகிடுச்சு காலையில பொட்டப்புள்ள கொஞ்சம் சீக்கிரமே எழுந்து அம்மாக்கு ஹெல்ப் பன்னாட்டியும் , ப்ரஸ் பன்னிட்டு குளிச்சுட்டு சாப்டுட்டு டிவி பார்க்கலாம்ல , மணி என்ன ஆகுதுன்னு பாத்தியா "

"மணி என்ன ஆகுதுன்னு சொல்லு மம்மி , எனக்கு தான் மணி பார்க்க தெரியாதே "

"அடிக்கழுதை ,1 ஆகப்போகுது இன்னும் கொஞ்சநேரத்துல உங்க அப்பா வந்து பசிக்கிது இவ்ளோ நேரம் என்ன பன்னிட்டு இருந்தானு என்ன திட்டுவாரு , எரும எழுந்தது 12 மணிக்கு ,எழுந்ததும் அவனோட சண்டை எப்போதான் இதெல்லாம் ஓயுமோ "

அதற்குள் கரண்ட் வர ,மகி "அம்மா போய் சமையல் செய் மா , சும்மா அவள திட்டாதீங்க ,

முகில் நீ டிவி பாருடா செல்ல எருமைக்குட்டி "

"டேய் இது எல்லாத்துக்கும் நீதாண்டா காரணம்,பரவாயில்ல பொழைச்சுப்போ"

ரிமோட் வாங்கி shinchan பாக்க ஆரம்பிச்சுட்டா.

"டேய் நீதாண்டா அவளை செல்லம் கொடுத்து கெடுக்குற ,ரிமோட்டா முன்னாடியே குடுத்து இருக்கலாம்ல ,ஏய் முகில் போய் ப்ரஸ் பண்ணுடி அப்புறம் டிவி பாரு "


"ஏய் இப்போ எதுக்குடி என்னோட பொண்ண திட்டுற " சிவா உள்ள வந்துட்டே மனைவியை வம்புக்கு இழுக்குறார் .

"சிவா வர வர உன்னோட பொண்டாட்டிக்கு வாய் நீளமாகிட்டே போகுது.. " என்று முகில் கூற

"அடிசெருப்பால.. அப்பாவை பெயர் சொல்லியா கூப்பிடுற..."

" ஏய் , இப்போ எதுக்கு அவளை திட்டுற.. என்னோட பொண்ணு என்னை கூப்பிடுற.. உனக்கென்ன.. வேணும்னா உங்கப்பன போய் பெயர் சொல்லி கூப்பிடு.. யாரு வேண்டாம்னு சொன்னது.."

" முதல்ல உங்களதான் சொல்லணும்.. எப்போ பாரு இவளுக்கு செல்லம் கொடுக்கிறது..அவ இன்னும் ப்ரஷ் பண்ணவே இல்லை..இன்னும் இரண்டு வருஷத்துல இவளுக்கே ஒரு குழந்தை இருக்கும்.."

மகி," அம்மா விடுங்க மா.. ஆடு மாடு நாய், கோழி, கழுதை, குரங்கு எல்லாம் ப்ரஷ் பண்ணிக்கிட்டா இருக்கு..விடுங்க விடுங்க .. போய் சமையலை பாருங்க.."

ரதி," யாரு நீ.. டேய் நீ ரொம்ப நல்லவன் டா.. பசி வந்துடுச்ச்னு என்னை உள்ள அனுப்பற.. என்னமோ பண்ணுங்க.." என்று உள்ளே செல்ல

"அப்பா .. பாருங்கப்பா அவனை.. " என்று முகில் தனது தந்தையிடம் தோள் மேல் சாய்ந்து கூற

சிவா," முகில் செல்லம்.. கொஞ்சம் ஸ்மெல் வரத்தான் செய்யுது.. போடா... போய் பிரஷ் பண்ணிட்டு வா..'"

"அப்பா நீங்களுமா??" என்று முகில் அழுவது போல் நடிக்க, மகியோ விழுந்து விழுந்து சிரித்துகொண்டு இருந்தான்..

"சரி சரி விடுமா, பசங்களா எல்லாரும் ஊருக்கு போகணும்ல எல்லாத்தையும் பேக் பண்ணுங்க" சொல்லிட்டு மனைவியை சமாதான படுத்த சமையலறையில் உதவி செய்ய ஓடோடி விட்டார்..

*****************************************
பொள்ளாச்சி அருகே உள்ள சிறிய கிராமம் சேத்துமடை , அங்கே நிகிதா " இங்க பாரு இன்னும் பத்து நாள் தான் இருக்கு என்னோட கல்யாணத்துக்கு அதுக்குள்ள எதாவது பண்ணு இல்லேன்னா என்ன உயிரோட பார்க்க முடியாது "

ரமேஷ்" நீ ஒன்னும் கவலைப்படாதே எல்லாம் சரியா நடக்கும் , அவன் கல்யாண மணமேடைல அவமானப்பட்டு சாகணும் . "

"அதுக்குத்தான் நான் இவ்ளோ கஷ்டப்படுறேன் இது எல்லாமே உனக்காக தான் "

"நீ ஒன்னும் கவலைப்படாதேடி நான் இருக்கேன் உன்னோட புருஷன் , அந்த இளமாறன் அவமானத்துல துடிக்குனும் "

சரிடா நீ என்ன திட்டம் வச்சுஇருக்க சொல்லு "

சொல்றேண்டி ரமேஷ் அவனோட திட்டத்தை நிகிதாக்கு விளக்கினான் .

"சூப்பர் டா இதுமட்டும் சரியா நடந்துச்சு இளமாறன் இனி மேல் யாருமுகத்துலேயும் முழிக்க முடியாது"


சரி நீ போ கல்யாண பொண்ணு நீ உன்ன ரொம்ப நேரம் காணோம்னு தேடுவாங்க "

"பிளான் ரெடி பண்ணி வச்சுக்கோ அவங்க எல்லாரும் நாளைக்கு வந்துடுவாங்க"

ரமேஷ் -நிகிதா ரெண்டு பேரும் அவங்க வழில போய்ட்டாங்க .
**********************#********************

முகில் வீட்டில் ..

"டேய் கண்ணுங்களா ! போய் கைகால் அலம்பிட்டு சாப்பிடுங்க" பாட்டி சொல்லிட்டு போய் அவங்க ஊருக்கு போக தேவையான எல்லாத்தையும் பேக் பண்ணிக்கிட்டு இருந்தாங்க.


"கிழவி நம்ம ஊருக்கு போய் எவ்ளோ நாள் ஆச்சு . இப்போ அந்த அரைலூசு கல்யாணம் அதுக்கு நம்ம எதுக்கு 10 நாள் முன்னாடியே போகணும் ?"

"யாரடி அரைலூசுன்னு சொல்ற அவன் என்னோட பேரன் டி ,ஒழுங்க மரியாதையா பேசுடி. அவன் உனக்கு அத்தை பையன் ,இன்னும் சொல்லப்போனா அவனவே உனக்கு கட்டிவச்சுயோருக்கானும் "


"இந்தா கிழவி முறைப்பையனு முறை வச்சு பேசாதே அந்த அரைலூச கட்டிக்கிறதுக்கு நான் பைத்தியமாக பைத்தியக்கார ஹாஸ்பிடல அட்மிட் ஆகிக்குறேன்"


"உனக்கு ரொம்ப வாய் திமுருடி ,இத அடக்குறதுக்குனு ஒருத்தன் வருவான் அப்போ இருக்குடி உனக்கு"


"ஹேய் கிழவி அப்படி எவனாவது வந்து என்ன அடக்குறப்போ இப்படி டக்குனு ஒன்னு குடுத்த போதும் அவன் புஷ்வணமாகிடுவான் " பாட்டி கன்னத்துல முத்தம் குடுத்துட்டு ஓடிவிட்டாள்.


"போடி போ , அப்போ எப்படி சமாளிக்குறேனு நான் பாக்குறேன்"


'டேய் அரைலூசு உனக்கு கல்யாணமாம். பாவம் அந்த நிகிதா உன்னோட என்ன பாடுபடபோறாளோ ,இந்த 10 நாள் நான் உன்னை பண்ணுறதுல நீ என் முன்னாடியே வரக்கூடாது கல்யாணத்துக்கு அப்பறம் தான் என்னோட கண்ணுல படனும். நிறைய இருக்கு டா உனக்கு அனுபவிக்க கொஞ்சம் காத்துஇரு .

"டேய் மகி, ரெண்டு நாள் தான் நமக்கு நேரம் இருக்கு அதுக்குள்ள அவனை முழு பைத்தியமாக்கிடனும் சரியா"

"டன் முகி, நாம பிளான் போடுவோம் "


மகி- முகில் அவங்க திட்டம் என்ன ,ரமேஷ் -நிகிதா திட்டம் என்ன .. ரெண்டு திட்டத்துக்கு நடுவுல மாட்டிட்டு இளமாறன் இனி அவதி மாறனா மாறப்போறானா இல்ல இவங்க ரெண்டு திட்டத்தையும் முறியடிக்க போறான்னு அடுத்த பகுதியில் பார்ப்போம் .